आज प्रदोषव्रत, हेर्नुहोस् आजको दिन २०७७ आश्विन १३ गते

श्रीगणेशाय नमः ।। आज विक्रम संवत् २०७७ साल आश्विन महिनाको १३ गते तदनुसार ईशवीय सन् २०२० अन्तर्गत सेप्टेम्बर महिनाको २९ तारिख, मंगलवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्रीशालिवाहनीय शाके १९४२, तथा नेपाल संवत् ११४० अन्तर्गत प्रमादी नामको संवत्सर चलिरहेको छ ।

 सूर्य दक्षिणायनमा छन् । शरद ऋतुअन्तर्गत अधिक आश्विन  शुक्लपक्षको त्रयोदशी तिथि राति १०।२३ बजेसम्म रहनेछ । यो महिनाका देवता पद्मनाभ र मासदेवी इषा हुन् । सूर्य कन्या  राशिमा र बृहस्पति धनु राशिमा रहेका छन् ।  शतभिषा नक्षत्र राति १।५५   बजेसम्म रहनेछन् । यसैगरी आज  शूल योग र कौलव करण रहेका छन् । आज सूर्योदय बिहान ५।५६ मा छ भने सूर्यास्त बेलुका ५।५० बजे हुनेछ । चन्द्रमा आज कुम्भ राशिमा रहेका   छन् ।  

आज प्रदोषव्रत परेको छ । त्रयोदशीको सन्ध्याकालीन समय दोषयुक्त रहने भएकाले आज शिवजीको उपासना गरी प्रदोषव्रत धारण गरिन्छ । प्रदोषव्रतधारणले अभीष्टफल प्राप्त हुनेछ शास्त्रीय मान्यता रहेको छ । 

 नारायणप्रसाद निरौला

    ज्योतिषाचार्य, वास्तुविद्