आज प्रदोषव्रत, हेर्नुहोस् आजको दिन २०७७ कार्तिक २७ गते

श्रीगणेशाय नमः ।। आज विक्रम संवत् २०७७ साल कार्तिक महिनाको २७ गते तदनुसार ईशवीय सन् २०२० अन्तर्गत नोभेम्बर महिनाको १२ तारिख, बिहीवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४० अन्तर्गत प्रमादी नामको संवत्सर चलिरहेको छ ।

 सूर्य दक्षिणायनमा छन् । शरद ऋतुअन्तर्गत कार्तिक कृष्णपक्षको द्वादशी  तिथि राति बेलुका ६।३१ बजेसम्म रहनेछ । यो महिनाका देवता दामोदर र मासदेवी राधा  हुन् । सूर्य तुला राशिमा र बृहस्पति धनु राशिमा रहेका छन् । हस्ता नक्षत्र राति १२।१२ बजेसम्म रहनेछन् । यसैगरी आज विष्कुम्भ योग र कौलव करण रहेका छन् । आज सूर्योदय बिहान ६।२३ मा छ भने सूर्यास्त बेलुका ५।११ बजे हुनेछ । चन्द्रमा आज कन्या  राशिमा रहेका छन् ।  

आज प्रदोषव्रत परको छ । त्रयोदशीयुक्त सन्ध्याकालीन समय भएको दिन प्रदोष व्रत रहने गर्दछ । त्रयोदशीयुक्त सन्ध्याकालीन समय दोषयुक्त रहन्छ । यसैले आज केवल शिवजीको उपासना शुभ फलदायी रहन्छ । विहीवारको प्रदोषव्रत धारण गर्नाले धन ऐश्वर्यमा अभिवृद्धि हुने गर्दछ । 

 उपप्राध्यापक नारायणप्रसाद निरौला

    ज्योतिषाचार्य, वास्तुविद्