आज कागतिहार, यमपञ्चक आरम्भ हेर्नुहोस् आजको दिन २०७७ कार्तिक २८ गते

श्रीगणेशाय नमः ।। आज विक्रम संवत् २०७७ साल कार्तिक महिनाको २८ गते तदनुसार ईशवीय सन् २०२० अन्तर्गत नोभेम्बर महिनाको १३ तारिख, शुक्रवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४० अन्तर्गत प्रमादी नामको संवत्सर चलिरहेको छ ।

 सूर्य दक्षिणायनमा छन् । शरद ऋतुअन्तर्गत कार्तिक कृष्णपक्षको त्रयोदशी तिथि दिवा ४।१२  बजेसम्म रहनेछ । यो महिनाका देवता दामोदर र मासदेवी राधा  हुन् । सूर्य तुला राशिमा र बृहस्पति धनु राशिमा रहेका छन् । चित्रा नक्षत्र राति ८।३४  बजेसम्म रहनेछन् । यसैगरी आज प्रीति योग र वणिज करण रहेका छन् । आज सूर्योदय बिहान ६।२४ मा छ भने सूर्यास्त बेलुका ५।१३ बजे हुनेछ । चन्द्रमा आज कन्या  राशिमा रहेका छन् ।  

आज कागतिहार हो । यसैगरी आजको दिनलाई धनतेसर वा धन्वन्तरिजयन्ती पनि भनिन्छ । यसैगरी आजबाट यमपञ्चकको पनि आरम्भ भएको छ । यमपञ्चकसँगै काग, कुकुर, लक्ष्मी, गाई, गोबद्र्धन एवं भाइपूजा गरी तिहार पर्व हर्षोल्लासपूर्वक मनाइन्छ । 

 उपप्राध्यापक नारायणप्रसाद निरौला

    ज्योतिषाचार्य, वास्तुविद्