आज अष्टमीव्रत, हेर्नुहोस् आजको दिन २०७७ कार्तिक २३ गते

 

श्रीगणेशाय नमः ।। आज विक्रम संवत् २०७७ साल कार्तिक महिनाको २३ गते तदनुसार ईशवीय सन् २०२० अन्तर्गत नोभेम्बर महिनाको ८ तारिख, आइतवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४० अन्तर्गत प्रमादी नामको संवत्सर चलिरहेको छ ।

 सूर्य दक्षिणायनमा छन् । शरद ऋतुअन्तर्गत कार्तिक कृष्णपक्षको अष्टमी  तिथि राति १।३६  बजेसम्म रहनेछ । यो महिनाका देवता दामोदर र मासदेवी राधा  हुन् । सूर्य तुला राशिमा र बृहस्पति धनु राशिमा रहेका छन् ।  अश्लेषा नक्षत्र राति ४।४५ बजेसम्म रहनेछन् । यसैगरी आज शुक्ल योग र बालव करण रहेका छन् । आज सूर्योदय बिहान ६।२० मा छ भने सूर्यास्त बेलुका ५।१३ बजे हुनेछ । चन्द्रमा आज कर्कट राशिमा रहेका छन् ।  

आज अष्टमीव्रत परेको छ । यसैले आज दुर्गा भगवतीको उपासना लाभदायी रहनेछ । यसैगरी आज गोरखकाली भगवतीको पूजा पनि हुने गर्दछ । 

 उपप्राध्यापक नारायणप्रसाद निरौला

    ज्योतिषाचार्य, वास्तुविद्