आज मंगवार, गणेशजीको उपासना गर्ने दिन हेर्नुहोस् २०७७ पौष २८ गते

श्रीगणेशाय नमः ।। आज विक्रम संवत् २०७७ साल पौष महिनाको २८ गते तदनुसार ईशवीय सन् २०२१ अन्तर्गत  जनवरी महिनाको १२ तारिख,  मंगलवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।

 सूर्य दक्षिणायनमा छन् । हेमन्त ऋतुअन्तर्गत पौष कृष्णपक्षको चतुर्दशी तिथि दिवा ११।५१  बजेसम्म रहनेछ । यो महिनाका देवता नारायण र मासदेवी लक्ष्मी हुन् । सूर्य धनु राशिमा र बृहस्पति मकर राशिमा रहेका छन् । मूल  नक्षत्र बिहान ७।३९ बजेसम्म  रहनेछन् । यसैगरी आज व्याघात योग र शकुनि करण रहेका छन् । आज सूर्योदय बिहान ६।५८ मा छ भने सूर्यास्त बेलुका ५।२७ बजे हुनेछ । चन्द्रमा आज धनु  राशिमा रहेका  छन् ।  

आज मंगलवार गणेशजी एवं हनुमानजीको उपासना गर्ने उत्तम दिन हो । आज गणेशजीलाई दुवो एवं लड्डुका साथै हनुमानजीलाई सिन्दुरको अर्पण शुभ फलदायी रहनेछ । 

 उपप्राध्यापक नारायणप्रसाद निरौला

    ज्योतिषाचार्य, वास्तुविद्