आज प्रदोषव्रत, हेर्नुहोस् आजको दिन २०७७ माघ १३ गते

श्रीगणेशाय नमः ।। आज विक्रम संवत् २०७७ साल माघ महिनाको १३ गते तदनुसार ईशवीय सन् २०२१ अन्तर्गत जनवरी महिनाको २६ तारिख, मंगलवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।

 सूर्य उत्तरायणमा छन् । शिशिर ऋतुअन्तर्गत पौष शुक्लपक्षको  त्रयोदशी तिथि राति १२।२१     बजेसम्म रहनेछ । यो महिनाका देवता माधव र मासदेवी रुक्मिणी हुन् । सूर्य मकर राशिमा र बृहस्पति मकर राशिमा रहेका छन् । आद्र्रा नक्षत्र राति २।४९ बजेसम्म रहनेछन् । यसैगरी आज वैधृति योग र कौलव करण रहेका छन् । आज सूर्योदय बिहान ६।५५ मा छ भने सूर्यास्त बेलुका ५।३८ बजे हुनेछ । चन्द्रमा आज मिथुन  राशिमा रहेका   छन् ।  

आज प्रदोषव्रत परेको छ । प्रदोष व्रतका शिवजीको उपासना हुने गर्दछ । आजको सन्ध्याकालीन समय दोषयुक्त रहने र केवल शिवजीको उपासना गर्नाले अभीष्ट सिद्धि प्दान गर्ने व्रदोषव्रतको फल बताइएको छ । 

  उपप्राध्यापक नारायणप्रसाद निरौला

    ज्योतिषाचार्य, वास्तुविद्