श्रीगणेशाय नमः ।। आज विक्रम संवत् २०७७ साल, फागुन महिनाको ६ गते तदनुसार ईशवीय सन् २०२१ अन्तर्गत फेव्रुअरी महिनाको १८ तारिख, बिहीवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।
सूर्य उत्तरायणमा छन् । शिशिर ऋतुअन्तर्गत माघ शुक्लपक्षको षष्ठी तिथि बिहान ७।५ बजेसम्म रहनेछ । यो महिनाका देवता गोविन्द र मासदेवी धात्री हुन् । सूर्य कुम्भ राशिमा र बृहस्पति मकर राशिमा रहेका छन् । भरणी नक्षत्र राति १।४४ बजेसम्म रहनेछन् । यसैगरी आज ब्रह्म योग र तैतिल करण रहेका छन् । आज सूर्योदय बिहान ६।४२ मा छ भने सूर्यास्त बेलुका ५।५५ बजे हुनेछ । चन्द्रमा आज मेष राशिमा रहेका छन् ।
आज बिहीवार दुर्गा भगवतीको उपासनाका ासथै पहेला वस्तुको प्रयोग शुभ फलदायी रहनेछ ।
आजको राशिफल
२०७७ फागुन ६ गते
मेष राशिः मिष्ठान्न लाभ हुनेछ । मित्र सुख मिल्नुका साथै आर्थिक उन्नतिका योग देखिन्छन् । विद्याको क्षेत्र आज सबल रहनेछ ।
वृष राशिः कार्यक्षेत्रमा संघर्ष गर्नुपर्ने देखिन्छ । शत्रु भयका साथै अपव्ययका योग पनि देखिन्छन् । निर्णयप्रक्रियामा नहतारिनु नै उचित हुनेछ ।
मिथुन राशिः पारिवारिक सुख मिल्नेछ । शत्रु पराजित हुनुका साथै जलीय वस्तु लाभदायी रहनेछन् । प्रेम जीवन आज सुखद् व्यतित हुने देखिन्छ ।
कर्कट राशिः आर्थिक लाभ हुनेछ । गृह सुख मिल्नुका साथै कार्य व्यवसायमा पनि उन्नति हुने देखिन्छ । विद्याको क्षेत्र फलदायी रहनेछ ।
सिंह राशिः भौतिक वस्तुबाट लाभ रहनेछ । बोलीमा प्रभाव रहनुका साथै कार्यक्षेत्रमा पनि सफलता मिल्ने देखिन्छ । प्रेम जीवन सुखद् रहनेछ ।
कन्या राशिः वित्तीय क्षेत्र लाभदायी रहनेछ । बौद्धिक कार्यमा मन जानुका साथै खेल क्षेत्र पनि आज सबल रहने देखिन्छ । मित्रमिलनका योग पनि रहेकाछन् ।
तुला राशिः वित्तीय लाभ हुनेछ । कीर्ति वृद्धिका साथै आर्थिक पक्ष पनि आज सबल रहने देखिन्छ । प्रेम जीवन पनि पारिखिलो रहनेछ ।
वृश्चिक राशिः धार्मिक कार्यमा रुचि रहनेछ । आर्थिक उन्नतिका साथै सुखद् यात्राक योग पनि देखिन्छन् । व्यवसायमा वृद्धि हुनेछ आजको राशिफल रहेको छ ।
धनु राशिः दिन कार्यदायी रहनसक्नेछ । आर्थिक अस्थिरताका साथै स्वास्थ्यमा पनि प्रतिकूलताको सामना गर्नुपर्ने देखिन्छ । बुद्धिपक्षको प्रयोग आज लाभदायी रहनेछ ।
मकर राशिः बौद्धिक कार्यमा रुचि रहनेछ । भौतिक वस्तु लाभदायी रहनुका साथै आमदानीका स्रोत पनि बढ्ने देखिन्छ । प्रेम जीवन सुखद् रहनेछ ।
कुम्भ राशिः द्रव्य लाभ हुनेछ । कान्ति वृद्धिका साथै सौन्दर्य प्रसाधनमा मन अभिप्रेरित रहनेछ । पारिवारिक सुख मिल्नेछ देखिन्छ ।
मीन राशिः आर्थिक अस्थिरता रहनेछ । स्वास्थ्यमा प्रतिकूलताका साथै विद्याको क्षेत्र पनि संघर्षदायी रहनेछ । व्यापार व्यवसाय मध्यम फलदायी रहनेछ ।
No comments:
Post a Comment