आजको राशिफल २०७७ फागुन ८ गते

 

श्रीगणेशाय नमः ।। आज विक्रम संवत् २०७७ साल, फागुन महिनाको ८ गते तदनुसार ईशवीय सन् २०२१ अन्तर्गत फेव्रुअरी महिनाको २० तारिख,  शनिवार  हो ।  सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।

 सूर्य उत्तरायणमा छन् । शिशिर ऋतुअन्तर्गत माघ शुक्लपक्षको अष्टमी तिथि बिहान ११।१८  बजेसम्म रहनेछ । यो महिनाका देवता गोविन्द र मासदेवी धात्री हुन् । सूर्य कुम्भ राशिमा र बृहस्पति मकर राशिमा रहेका छन् । रोहिणी नक्षत्र राति अहोरात्र बजेसम्म रहनेछन् । यसैगरी आज वैधृति योग र बब करण रहेका छन् । आज सूर्योदय बिहान ६।४० मा छ भने सूर्यास्त बेलुका ५।५७ बजे हुनेछ । चन्द्रमा आज वृष राशिमा रहेका  छन् ।  

आज शन्यष्टमीव्रत परेको छ । यसैगरी आजको दिनलाई भीमाष्टमी पनि भनिन्छ । शनिवार शिवजीको उपाशना शुभ रहनेछ । 

आजको राशिफल

२०७७ फागुन ८ गते    

मेष राशिः  आर्थिक उन्नति हुनेछ । व्यवसायमा वृद्धि हुनुका साथै धातुजन्य वस्तु लाभदायी रहनेछन् । प्रेम जीवन सुखद् रहने देखिन्छ । 

वृष राशिः पराक्रम बढ्नेछ । भौतिक वस्तुबाट लाभ रहनुका साथै अध्ययन अध्यापनमा सफलता मिल्ने देखिन्छ । दिन सुखमय व्यतित हुनेछ । 

मिथुन राशिः कार्यक्षेत्रमा संघर्ष गर्नुपर्नेछ । स्वास्थ्यमा प्रतिकूलताका साथै खर्चवृद्धिको योग पनि देखिन्छ । अन्य क्षेत्र मध्यम फलदायी रहनेछन् ।

कर्कट राशिः वित्तीय लाभ हुनेछ । कार्य व्यवसायमा उन्नति हुनुका साथै सुखद् यात्राका योग पनि देखिन्छन् । विद्याको भाव बलावन रहनेछ । 

सिंह राशिः धार्मिक कार्यमा मन जानेछ । आय आर्जमा वृद्धि हुनुका साथै कार्य लाभका योग पनि देखिन्छन् । स्वास्थ्यको क्षेत्र मध्यम फलदायी रहनेछ ।

कन्या राशिः  पारिवारिक सुख मिल्नेछ । जलीय वस्तु लाभदायी रहनुका साथै अध्ययन अध्यापनमा  पनि सफलता मिल्ने देखिन्छ ।

तुला राशिः शारीरिक आलश्यता रहनेछ । चन्द्रमाको प्रतिकूलताले गर्दा खर्च बढाउनुका साथै कार्य क्षेत्रमा पनि संघर्ष गर्नुपर्ने देखिन्छ ।

वृश्चिक राशिः सुखद् यात्राका योग देखिन्छन् । व्यवसायमा उन्नतिका साथै अध्ययन अध्यापनमा पनि सफलता मिल्ने देखिन्छ । कर्मक्षेत्र सबल रहनेछ ।

धनु राशिः  भौतिक वस्तु लाभदायी रहनेछन् । आय आर्जनमा वृद्धि हुनुका साथै मानसिक तुष्टि मिल्ने देखिन्छ । पारिवारिक सुख प्राप्तिका योग पनि रहेका छन्।

मकर राशिः बौद्धिक कार्यमा मन जानेछ । व्यवसायमा उन्नतिका साथै सुखद् यात्राका योग पनि देखिन्छन् । प्रेम जीवन सुखद् रहनेछ ।

कुम्भ राशिः कार्यमा अवरोध रहनेछ । आर्थिक अस्थिरताका साथै प्रतिकूल स्वास्थ्यको पनि सामना गर्नुपर्ने देखिन्छ । प्रेम जीवन मध्यमफलदायी रहनेछ । 

मीन राशिः सांगीतिक क्षेत्रमा रुचि रहनेछ । आय आर्जनमा वृद्धि हुनुका साथै व्यवसायिक सफलता मिल्ने देखिन्छ । कला साहित्यमा विशेष लगाव रहेने आजकोे राशिफल रहेको छ ।