श्रीगणेशाय नमः ।। आज विक्रम संवत् २०७७ साल माघ महिनाको २१ गते तदनुसार ईशवीय सन् २०२१ अन्तर्गत फेव्रुअरी महिनाको ३ तारिख, बुधवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।
सूर्य उत्तरायणमा छन् । शिशिर ऋतुअन्तर्गत माघ कृष्णपक्षको षष्ठी तिथि बेलुका ४।३ बजेसम्म रहनेछ । यो महिनाका देवता माधव र मासदेवी रुक्मिणी हुन् । सूर्य मकर राशिमा र बृहस्पति मकर राशिमा रहेका छन् । चित्रा नक्षत्र राति ११।४ बजेसम्म रहनेछन् । यसैगरी आज शूल योग र वणिज करण रहेका छन् । आज सूर्योदय बिहान ६।५२ मा छ भने सूर्यास्त बेलुका ५।४५ बजे हुनेछ । चन्द्रमा आज कन्या राशिमा रहेका छन् ।
आज बुधवार लक्ष्मीनारायण भगवान्को उपासनाका साथै हरिया वस्तुको प्रयोग आज शुभ फलदायी रहनेछ ।
आजको राशिफल
२०७७ माघ २१ गते, बुधवार
मेष राशिः व्यवसायमा पनि वृद्धि हुने देखिन्छ । शारीरिक आलश्यता रहनेछ । चन्द्रमाको प्रतिकूलताले गर्दा खर्च बढाउनुका साथै कार्य क्षेत्रमा पनि संघर्ष गर्नुपर्ने देखिन्छ ।
वृष राशिः व्यवसायमा वृद्धि हुनेछ । भौतिक वस्तुबाट लाभ रहनुका साथै कला मनोरञ्जनका क्षेत्रमा विशेष लगाव रहने देखिन्छ । वित्तीय अवस्था पनि सबल नै रहने देखिन्छ ।
मिथुन राशिः खर्चमा वृद्धि हुनसकनेछ । कार्यव्यवधानका अवरोधका साथै स्वास्थ्यमा पनि प्रतिकूलता आनसक्ने देखिन्छ । प्रेम जीवन मध्यम फलदायी रहनेछ ।
कर्कट राशिः कार्यव्यवसायमा वृद्धि हुनेछ । पारिवारिक सुख मिल्नुका साथै प्राज्ञिक कार्यमा मन जानेछ । धनको क्षेत्र उन्नत नै रहने देखिन्छ ।
सिंह राशिः मित्र पक्ष सबल रहनेछन् । कला मनोरञ्जनमा रुचि जाग्नुका साथै पारिवारक सुख मिल्ने देखिन्छ । कर्म क्षेत्रमा पनि उन्नति हुने योग देखिन्छ ।
कन्या राशिः पराक्रम बढ्नेछ । आर्थिक उन्नतिका साथै व्यवसायमा पनि वृद्धि हुने देखिन्छ । खेल क्षेत्र आज विशेष रुचिकर रहने देखिन्छ ।
तुला राशिः शत्रुपक्ष सबल रहनेछन् । बोलीमा विकार रहनुका साथै शारीरिक आलश्यताले सताउनुक्ने देखिन्छ । आर्थिक क्षेत्र मध्यम रहनेछ ।
वृश्चिक राशिः बौद्धिक कार्यमा मजन जानेछ । अध्ययन अध्यापनमा सफलता मिल्न्ुका साथै सुखद् यात्राका योग पनि देखिन्छ । आज धार्मिकार्यमा पनि मन प्रवृत्त हुनेछ ।
धनु राशिः कान्तिवृद्धि हुनेछ । पारिवारिक सुख मिल्नका साथै व्यवसायमा पनि उन्न्ति हुने देखिन्छ। पैम जीवन सुमधुर रहने आजको राशिफल रहेको छ ।
मकर राशिः धनको क्षेत्र मजबुत रहनेछ । नयाँ कार्य व्यवसायमा मन प्रवृत्त हुनुका साथै मित्र मिलनका पनि योग देखिन्छन् । विद्याको क्षेत्र सफल रहनेछ ।
कुम्भ राशिः कार्य क्षेत्रमा संघर्ष गर्नुपर्ने देखिन्छ । व्ययमा वृद्धि हुनुका साथै आर्थिक अस्थिरता पनि रहनसक्नेछ । स्वास्थ्यमा सजग रहनु नै उचित हुनेछ ।
मीन राशिः व्यवसायमा वृद्धि हुनेछ । आर्थिक उन्नतिका साथै पारिवारिक सुख मिल्ने देखिन्छ । चन्द्रमाको अनुकूलताले आजको दिन सुखद् रहनेछ ।
उपप्राध्यापक नारायणप्रसाद निरौला
ज्योतिषाचार्य, वास्तुविद्
No comments:
Post a Comment