श्रीगणेशाय नमः ।। आज विक्रम संवत् २०७७ साल, चैत्र महिनाको ७ गते तदनुसार ईशवीय सन् २०२१ अन्तर्गत मार्च महिनाको २० तारिख, शनिवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।
सूर्य उत्तरायणमा छन् । शिशिर ऋतुअन्तर्गत फाल्गुन शुक्लपक्षको सप्तमी तिथि राति ३।३४ बजेसम्म रहनेछ । यो महिनाका देवता विष्णु र मासदेवी रमा हुन् । सूर्य मीन राशिमा र बृहस्पति मकर राशिमा रहेका छन् । रोहिणी नक्षत्र दिवा १।५७ बजेसम्म रहनेछन् । यसैगरी आज प्रीति योग र गर करण रहेका छन् । आज सूर्योदय बिहान ६।१० मा छ भने सूर्यास्त बेलुका ६।१४ बजे हुनेछ । चन्द्रमा आज वृष राशिमा रहेका छन् ।
आज शनिवार शिवजीको उपासनाका साथै पिपलको दर्शन शुभफलदायी रहनेछ । शनिजन्य दोक्ष् निवृत्तिका लागि शनिको मन्त्रजापका साथै शनिमृत्युञ्जयको पाठ पनि लाभदायी रहनेछ ।
आजको राशिफल
२०७७ चैत्र ७ गते, शनिवार
मेष राशिः कला मनोरञ्जनमा आज विशेष अभिरुचि रहनेछ । भौतिक वसतुबाट लाभका साथै वाणिज्य क्षेत्र सफल रहने देखिन्छ । बोलीमा ओज रहनाले कार्यमा उन्नति हुने देखिन्छ ।
वृष राशिः शत्रु पक्ष सबल रहनेछन् । कार्यक्षेत्रमा संघर्ष गर्नुपर्ने देखिन्छ । आर्थिक क्षेत्र मध्यम फलदायी रहने आजको राशिफल रहेको छ ।
मिथुन राशिः पारिवारिक सुख मिल्नेछ । प्रेम जीवन सुखद् रहनुका साथै सुखद् यात्राका योग पनि देखिन्छन् । अध्ययन अध्यापनमा पनि सफलता मिल्ने देखिन्छ ।
कर्कट राशिः मित्रलाभ हुनेछ, व्यवसायमा सफलता मिल्नुका साथै नयाँ कार्य प्राप्तिका योग पनि देखिन्छन् । पारिवारिक सुख प्राप्त हुने आजको राशिफल रहेको छ ।
सिंह राशिः व्यवसायिक उन्नति हुनेछ । भौतिक वस्तु लाभदायी रहनुका साथै अध्ययन अध्यापनमा पनि सफलता मिल्ने देखिन्छ । पारिवारिक साथ सहयोगले दिन प्रेमिल बन्ने देखिन्छ ।
कन्या राशिः कार्यमा व्यवधाको सामना गर्नुपर्ने छ । आर्थिक अस्थिरताका साथै स्वास्थ्यमा पनि प्रतिकूलता रहनसक्ने देखिन्छ । व्यवसाय मध्यम फलदायी रहनेछ ।
तुला राशिः मित्र लाभ हुनेछ । प्राविधकि कार्यमा अभिरुचि रहनुका साथै व्यवसाय पनि सफल रहने देखिन्छ । धार्मिक कार्यमा लगाव रहने आजको राशिफल रहेको छ ।
वृश्चिक राशिः मित्र प्राप्तिका योग देखिन्छन् । कार्य व्यवसायमा सफलता मिल्नुका साथै नयाँ कार्यमा मन प्रवृत्त हुनेछ । समग्रमा आजको दिन सुखद् रूपमा व्यतित हुने देखिन्छ ।
धनु राशिः व्यवसायमा वृद्धि हुनेछ । मित्र बल अधिक रहनुका साथै कार्यमा सफलता प्राप्त हुने देखिन्छ । कला मनोरञ्जनमा आकर्षण रहने आजको राशिफल रहेको छ ।
मकर राशिः शत्रुपक्ष सबल रहनेछन्, कार्य व्यववधाका साथै खर्चमा पनि वृद्धि हुनसक्ने देखिन्छ । शारीरिक आलश्यताले दिन संघर्षदायी बनाउने देखिन्छ ।
कुम्भ राशिः आर्थिक लाभ हुनेछ । मित्रजनको साथ सहयोग मिल्नुका साथै नयाँ कार्य प्राप्तिका योग पनि देखिन्छ । आयमा वृद्धि हुने आजको राशिफल रहेको छ ।
मीन राशिः मनमा प्रसन्नता रहनेछ । आय आर्जनमा वृद्धि हुनुका साथै भौतिक वस्तुबाट विशेष लाभ रहने देखिन्छ । सकारात्मक कार्यमा मन प्रवृत्ति हुने आजको राशिफल रहेको छ ।
No comments:
Post a Comment