श्रीगणेशाय नमः ।। आज विक्रम संवत् २०७७ साल, चैत्र महिनाको १४ गते तदनुसार ईशवीय सन् २०२१ अन्तर्गत मार्च महिनाको २७ तारिख, शनिवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।
सूर्य उत्तरायणमा छन् । शिशिर ऋतुअन्तर्गत फाल्गुन शुक्लपक्षको चतुर्दशी तिथि राति २।५७ बजेसम्म रहनेछ । यो महिनाका देवता विष्णु र मासदेवी रमा हुन् । सूर्य मीन राशिमा र बृहस्पति मकर राशिमा रहेका छन् । पूर्वाफाल्गुनी नक्षत्र बेलुका ७।७ बजेसम्म रहनेछन् । यसैगरी आज गण्ड र गर करण रहेका छन् । आज सूर्योदय बिहान ६।२ मा छ भने सूर्यास्त बेलुका ६।१८ बजे हुनेछ । चन्द्रमा आज सिंह राशिमा रहेका छन् ।
आज शनिवार, पिपलको दर्शन एवं जल अर्पण शुभफलदायी रहनेछ । शनिजन्य दोष निवृत्तिका निम्ति शनिमृत्युञ्जयको पाठ पनि शुभफलदायी रहनेछ ।
आजको राशिफल
२०७७ चैत्र १४ गते, शनिवार
मेष राशिः धनको क्षेत्र सबल रहनेछ । अध्ययन अध्यापनमा सफलता मिल्नुका साथै भौतिक वस्तु पनि लाभदायी रहनेछन् । व्यवसायमा पनि सफलता प्राप्तिका योग देखिन्छन् ।
वृष राशिः दिन संघर्षदायी रहनसक्नेछ । शत्रु पक्ष सबल रहनुका साथै आर्थिक अस्थिरताको पनि सामना गर्नुपर्ने देखिन्छ । स्वास्थ्यमा पनि आज सजग नै रहनु उचित हुने देखिन्छ ।
मिथुन राशिः पारिवारिक साथ सहयोग प्राप्त हुनेछ । नयाँ कार्यमा मन प्रवृत्त रहनुका साथै भौतिक वस्तु लाभदायी रहनेछन् । विद्याको क्षेत्र फलदायी रहनेछ ।
कर्कट राशिः बौद्धिक कार्यमा लगाव रहनेछ । व्यवसायमा सफलता मिल्नुका साथै आर्थिक उन्नतिका योग पनि देखिन्छन् । प्रेम जीवन सुखद् रहनेछ ।
सिंह राशिः भौतिक वस्तु लाभदायी रहनेछन् । धार्मिक कार्यमा रुचि रहनुका साथै साथै आय आर्जनमा पनि वृद्धि हुने योग देखिन्छ । विद्याको पक्ष सबल रहनेछ ।
कन्या राशिः शत्रुपक्ष आज सबल रहनेछन् । आर्थिक अस्थिरताका साथै कार्य क्षेत्रमा पनि संघर्ष गर्नुपर्ने देखिन्छ । निर्णय प्रक्रियामा नहतारिनु नै आज लाभदायी रहनेछ ।
तुला राशिः गृहसुख मिल्नेछ । धातुजन्य वस्तु लाभदायी रहनुका साथै सुखद् यात्राका योग पनि देखिन्छन् । प्रेममा पारख बढ्ने आजको राशिफल रहेको छ ।
वृश्चिक राशिः द्रव्य लाभ हुनेछ । व्यवसायमा उन्नतिका साथै सुखद् यात्राकायोग पनि देखिन्छन् । सामाजिक कार्यमा विशेष लागाव रहनेछ ।
धनु राशिः व्यवसायमा उन्नति हुनेछ । आर्थिक लाभका साथै नयाँ कार्यक्षेत्रमा मन प्रवृत्त हुने देखिन्छ । अध्ययन अध्यापनमा पनि आज सफलता मिल्नेछ ।
मकर राशिः चन्द्रमा आज प्रतिकूल रहनेछन् । खर्च बढ्नुका साथै कार्य क्षेत्रमा पनि संघर्ष गर्नुपर्ने देखिन्छ । बुद्धिपक्षको विशेष प्रयोग आज लाभदायी रहनेछ ।
कुम्भ राशिः शारीकि स्फुर्ति छाउनेछ । धनको क्षेत्र सबल देखिन्छ । धार्मिकार्यमा रुचि जाग्नुका साथै पारिवारिक सुख मिल्नेछ ।
मीन राशिः व्यवसायिक सफलता मिल्नेछ । आय आर्जनका स्रोत बढ्नुका साथै जलीय पदार्थ लाभदायी रहनेछन् । प्रेम जीवन पनि सुखमय व्यतित हुने देखिन्छ ।
No comments:
Post a Comment