श्रीगणेशाय नमः ।। आज विक्रम संवत् २०७८ साल, वैशाख महिनाको १४ गते तदनुसार ईशवीय सन् २०२१ अन्तर्गत अप्रिल महिनाको २७ तारिख, मंगलवार हो । सृष्टिदेखि हालसम्म १,९५,५८,८५१२२ वर्ष व्यतीत भइसकेका छन् । कलिकालको ५१२२औँ वर्षअन्तर्गत श्री शालिवाहनीय शाके १९४३, तथा नेपाल संवत् ११४१ अन्तर्गत राक्षस नामको संवत्सर चलिरहेको छ ।
सूर्य उत्तरायणमा छन् । वसन्त ऋतुअन्तर्गत चैत्रशुक्लपक्षको पूर्णिमा तिथि बिहान ९।५७ बजेसम्म रहनेछ । यो महिनाका देवता मधुसूदन र मासदेवी मोहिनी हुन् । सूर्य मेष राशिमा र बृहस्पति मकर राशिमा रहेका छन् । स्वाती नक्षत्र बेलुका ९।५५ बजेसम्म रहनेछन् । यसैगरी आज सिद्धि योग र बालव करण रहेका छन् । आज सूर्योदय बिहान ५।३० मा छ भने सूर्यास्त बेलुका ६।३५ बजे हुनेछ । चन्द्रमा आज तुला राशिमा रहेका छन् ।
आज चैत्रशुक्लपक्षको पूर्णिमा तिथि हो । यसका साथै आज मंगलवार गणेशजीको उपासनाका हनुमानजीको आराधना पनि शुभ फलदायी रहनेछ ।
आजको राशिफल
२०७८ वैशाख १४ गते, मंगलवार
मेष राशिः आर्थिक उन्नति हुनेछ । कार्य लाभका साथै सुखद् यात्राका योग देखिन्छन् प्रेम पक्ष सुदृढ रहनेछ ।
वृष राशिः कला मनोरञ्जनमा आज विशेष अभिरुचि रहनेछ । भौतिक वस्तुबाट लाभका साथै वाणिज्य क्षेत्र सफल रहने देखिन्छ । बोलीमा ओज रहनाले कार्यमा उन्नति हुने देखिन्छ ।
मिथुन राशिः धनधान्यमा वृद्धि हुनेछ । मित्र लाभका साथै अध्ययन अध्यापनमा सफलता मिल्नेछ । वित्तीय लाभका योग पनि देखिन्छन् ।
कर्कट राशिः ग्रह बल आज कमजोर रहनेछन् । खर्चमा वृद्धिका साथै कार्यक्षेत्रमा पनि स.घषर्् गर्नुपर्ने देखिन्छ । स्वास्थ्यमा सजग रहनु नै लाभप्रद रहनेछ ।
सिंह राशिः प्रिय लाभ हुनेछ । गृह सुख मिल्नुका साथै सुखद् यात्राका योग पनि देखिन्छन् । अध्ययन अध्यापनमा पनि सफलता मिल्ने देखिन्छ ।
कन्या राशिः व्यवसायमा वृद्धि हुनेछ । प्रिय लाभका साथै पारिवारिक सुखका योग देखिन्छन् । जलीय वस्तुबाट लाभ रहनेछ ।
तुला राशिः मिष्ठान्न लाभ हुनेछ । बौद्धिक कार्यमा अभिरुचि रहनुका साथै व्यवसाय पनि सफल रहने देखिन्छ । धार्मिक कार्यमा लगाव रहने आजको राशिफल रहेको छ ।
वृश्चिक राशिः दिन कार्यदायी रहनसक्नेछ । शत्रु भयका साथै स्वास्थ्यमा पनि प्रतिकूलता रहनसक्ने देखिन्छ । आहार विहारमा सजग रहनु नै उचित हुनेछ ।
धनु राशिः मित्र सुखका योग देखिन्छन् । कार्य व्यवसायमा सफलता मिल्नुका साथै नयाँ कार्यमा मन प्रवृत्त हुनेछ । समग्रमा आजको दिन सुखद् रूपमा व्यतित हुने देखिन्छ ।
मकर राशिः भौतिक वस्तुबाट लाभ रहेछ । प्रिय सुख मिल्न्ुकास ाथै अध्ययन अध्यापनमा सफलता मिल्ने देखिन्छ । पारिवारिक पक्ष उन्नत रहनेछ ।
कुम्भ राशिः मनमा प्रसन्नता रहनेछ । आय आर्जनमा वृद्धि हुनुका साथै भौतिक वसतुबाट विशेष लाभ रहने देखिन्छ । सकारात्मक कार्यमा मन प्रवृत्ति हुने आजको राशिफल रहेको छ ।
मीन राशिः शत्रुपक्ष सबल रहनेछन् । कार्य व्यववधाका साथै खर्चमा पनि वृद्धि हुनसक्ने देखिन्छ । शारीरिक आलश्यताले दिन संघर्षदायी बनाउने देखिन्छ ।
No comments:
Post a Comment