आज आइतवार, त्रिपुष्कर योग रहने हेर्नुहोस् आजको दिन २०७८ वैशाख १९ गते

 

श्रीगणेशाय नमः ।। आज विक्रम संवत् २०७८ साल, वैशाख महिनाको १९ गते तदनुसार ईशवीय सन् २०२१ अन्तर्गत मे महिनाको २ तारिख, आइतवार  हो ।  सृष्टिदेखि हालसम्म १,९५,५८,८५१२२ वर्ष व्यतीत भइसकेका छन् । कलिकालको ५१२२औँ वर्षअन्तर्गत श्री शालिवाहनीय शाके १९४३, तथा नेपाल संवत् ११४१ अन्तर्गत राक्षस नामको संवत्सर चलिरहेको छ ।

 सूर्य उत्तरायणमा छन् । वसन्त ऋतुअन्तर्गत वैशाखकृष्णपक्षको षष्ठी तिथि राति ८।३५      बजेसम्म रहनेछ । यो महिनाका देवता मधुसूदन र मासदेवी मोहिनी हुन् । सूर्य मेष राशिमा र बृहस्पति मकर राशिमा रहेका छन् । पूर्वाषाढा  नक्षत्र दिवा २।३३ बजेसम्म रहनेछन् । यसैगरी आज सिद्धि  योग र गर करण रहेका छन् । आज सूर्योदय बिहान ५।२६ मा छ भने सूर्यास्त बेलुका ६।३७ बजे हुनेछ । चन्द्रमा आज धनु  राशिमा रहेका  छन् ।  

आइतवा सूर्यनारायण भगवान्को उपासनाका साथै राता वस्तुको प्रयोग शुभ रहनेछ । आज राति ८।३५ बजेपछि भद्रा लाग्नेछ । यसैगरी राति ८।३५ पछि त्रिपुष्कर योग पनि लाग्नेछ । त्रिपुष्कर योगमा मृत्यु, विनाश र वृद्धि भए तीन गुणा फलदिने हुन्छ । मृत्यु र विनाश भएको खण्डमा भने शान्ति गर्नुपर्ने शास्त्रीय विधान पाइन्छ ।