श्रीगणेशाय नमः ।। आज विक्रम संवत् २०७८ साल, वैशाख महिनाको २३ गते तदनुसार ईशवीय सन् २०२१ अन्तर्गत मे महिनाको ६ तारिख, बिहीवार हो । सृष्टिदेखि हालसम्म १,९५,५८,८५१२२ वर्ष व्यतीत भइसकेका छन् । कलिकालको ५१२२औँ वर्षअन्तर्गत श्री शालिवाहनीय शाके १९४३, तथा नेपाल संवत् ११४१ अन्तर्गत राक्षस नामको संवत्सर चलिरहेको छ ।
सूर्य उत्तरायणमा छन् । वसन्त ऋतुअन्तर्गत वैशाखकृष्णपक्षको दशमी तिथि बेलुका ५।२७ बजेसम्म रहनेछ । यो महिनाका देवता मधुसूदन र मासदेवी मोहिनी हुन् । सूर्य मेष राशिमा र बृहस्पति मकर राशिमा रहेका छन् । शतभिषा नक्षत्र दिवा १।५६ बजेसम्म रहनेछन् । यसैगरी आज ऐन्द्र योग र तैतिल वणिज रहेका छन् । आज सूर्योदय बिहान ५।२४ मा छ भने सूर्यास्त बेलुका ६।४० बजे हुनेछ । चन्द्रमा आज कुम्भ राशिमा रहेका छन् ।
आज बिहीवार दुर्गा भगवतीको उपासनाका साथै पहेला वस्तुको प्रयोग शुभ फलदायी रहनेछ ।
आजको राशिफल
२०७८ वैशाख २३ गते, बिहीवार
मेष राशिः बौद्धिक कार्यमा मन जानेछ । व्यवसायिक सफलता मिल्नुका साथै सुखद् यात्रका योग पनि देखिन्छन् । आर्थिक पक्ष सबल रहनेछ ।
वृष राशिः प्रिय लाभ हुनेछ । पारिवारिक सुख मिल्नुका साथै कला साहित्यका क्षेत्रमा विशेष अभिरुचि रहने देखिन्छ । अध्ययनको क्षेत्र सबल रहनेछ ।
मिथुन राशिः मनमा प्रसन्नता रहनेछ । सामाजिक कार्यमा अभिरुचि रहनुका साथै अध्ययन अध्यापनको क्षेत्र पनि सफल रहने देखिन्छ । मित्र सहयोगले दिन सुखद् बन्नेछ ।
कर्कट राशिः निर्णयशक्तिमा ह्रास आउनेछ । खर्चमा वृृद्धिका साथै बोलीमा पनि सजग रहनु उचित हुने देखिन्छ । विद्याको क्षेत्र मध्यम फलदायी रहनेछ ।
सिंह राशिः भौतिक वस्तुबाट लाभ रहनेछ । व्यापार व्यवसायमा वृद्धि हुनुका साथै नयाँ कार्य प्राप्तिका योग पनि देखिन्छन् । प्रेम जीवन सुखद् रहनेछ ।
कन्या राशिः द्रव्यलाभ हुनेछ । पारिवारिक सुख मिल्नुका साथै कार्य व्यवसायमा पनि उन्नति हुने देखिन्छ । अािर्थक पक्ष सबल रहनेछ ।
तुला राशि ः आर्थिक लाभ हुनेछ । मेसिनरी वस्तु विशेष लाभदायी रहनुका साथै परोपकारमा मन प्रवृत्त हुने देखिन्छ । अध्ययनमा सफलता मिल्नेछ ।
वृश्चिक राशिः आर्थिक पक्ष अस्थिर रहनसक्नेछ । शत्रु पक्ष सबबल रहनुका साथै कार्य क्षेत्रमा पनि संघर्ष गर्नुपर्ने आजको राशिफल रहेको छ ।
धनु राशिः वित्तीय लाभ हुनेछ । व्यवसायमा उन्नतिका साथै सुखद् यात्राका योग देखिन्छन् । आमदानीमा वृद्धि हुने आजको राशिफल रहेको छ ।
मकर राशिः धार्मिक कार्यमा मन प्रवृत्त हुनेछ । मित्र सुखका साथै कार्य व्यवसायमा पनि सफलता मिल्ने देखिन्छ । प्रेम जीवन सुखमय रहनेछ ।
कुम्भ राशिः कीर्ति लाभ हुनेछ । बौद्धिक कार्यमा अग्रसरता रहनुका साथै भौतिक वस्तु लाभदायी रहनेछन् । मित्र जनको साथ सहयोगले दिन प्रेमिल रहने देखिन्छ ।
मीन राशिः दिन कार्यदायी रहने देखिन्छ । शारीरक आलश्यताका साथै प्रतिकूल स्वास्थ्यको सामना गर्नुपर्ने देखिन्छ । आर्थिक पक्ष मध्यम रहनेछ ।
No comments:
Post a Comment