श्रीगणेशाय नमः ।। आज विक्रम संवत् २०७८ साल ज्येष्ठ महिनाको ३१ गते तदनुसार ईशवीय सन् २०२१ अन्तर्गत जुन महिनाका १४ तारिख, सोमवार हो । सृष्टिदेखि हालसम्म १,९५,५८,८५१२२ वर्ष व्यतीत भइसकेका छन् । कलिकालको ५१२२औँ वर्षअन्तर्गत श्री शालिवाहनीय शाके १९४३, तथा नेपाल संवत् ११४१ अन्तर्गत राक्षस नामको संवत्सर चलिरहेको छ ।
सूर्य उत्तरायणमा छन् । ग्रीष्म ऋतुअन्तर्गत ज्येष्ठ शुक्लपक्षको चुतर्थी तिथि बेलुका ७।५९ बजेसम्म रहनेछ । यो महिनाका देवता त्रिविक्रम र मासदेवी पद्माक्षी हुन् । सूर्य वृष राशिमा र बृहस्पति कुम्भ राशिमा रहेका छन् । तिष्य नक्षत्र बेलुका ६।३८ बजेसम्म रहनेछन् । यसैगरी आज ध्रुव योग र वणिज करण रहेका छन् । आज सूर्योदय बिहान ५।१० मा छ भने सूर्यास्त बेलुका ६।५९ बजे हुनेछ । चन्द्रमा आज कर्कट राशिमा छन् ।
आज सोमवार शिवजीको उपासनाका साथै सेता वस्तुको प्रयोग शुभ रहनेछ । यसैगरी चन्द्रजन्य दोष निवारणका लागि सोमसूक्तको पाठ पनि कल्याणदायी रहनेछ ।
आजको राशिफल
२०७८ ज्येष्ठ ३१ गते, सोमवार
मेष राशिः दिन कार्यदायी रहनसक्ने देखिन्छ । ग्रहबल कमजोर रहने भएकाले कार्यक्षेत्रमा सजग रहनु नै उचित हुनेछ । स्वास्थ्यको क्षेत्र मध्यम फलदायी रहनेछ ।
वृष राशिः वृत्तिलाभ हुनेछ । मित्र सुखका साथै यात्राका योग पनि देखिन्छन् । मनोरञ्जनमा अधिक समय व्यतीत हुनेछ ।
मिथुन राशिः खेलको क्षेत्र रुचिकर रहनेछ । प्रिय लाभका साथै पारिवारिक सुखका योग पनि देखिन्छन् । आर्थिक उन्नतिका योग पनि देखिन्छन् ।
कर्कट राशिः पराक्रम बढ्नेछ । कार्यक्षत्रमा उन्नतिका प्रतिष्ठा अभिवृद्धिका योग पनि रहेका छन् । जलीय वस्तु विशेष लाभदायी रहनेछन् ।
सिंह राशिः शत्रु पक्ष सबल रहनेछन् । कार्यक्षेत्रमा संघर्षका साथै खर्चमा पनि वृद्धि हुनसक्ने देखिन्छ । आहार विहारमा सजग रहनु नै उचित हुनेछ ।
कन्या राशिः व्यवसायमा वृद्धि हुनेछ । भौतिक वस्तु लाभदायी रहनुका साथै आर्थिक उन्नतिका योग देखिन्छन् । विद्याको क्षेत्र पनि सबल नै रहने आजको राशिफल रहेको छ ।
तुला राशिः खेलको क्षेत्र रुचिकर रहनेछ । भौतिक वस्तुबाट लाभ रहनुका साथै सुखद् यात्राका योग देखिन्छन् । प्रेम जीवन सुखद् रहनेछ ।
वृश्चिक राशिः बौद्धिक कार्यमा चाख बढ्नेछ । व्यवसायमा वृद्धि हुनुका साथै जलीय पदार्थ विशेष लाभदायी रहनेछन् । कृषि क्षेत्र पनि फलदायी रहने देखिन्छ ।
धनु राशिः ग्रहबल आज कमजोर देखिन्छ । शारीरिक आलश्यताका साथै कार्यमा पनि व्यस्ताता बढ्ने देखिन्छ । खर्चमा पनि वृद्धि हुनसक्ने देखिन्छ ।
मकर राशिः अध्ययनमा रुचि जाग्नेछ । कार्यक्षेत्रमा उन्नतिका साथै यात्राका योग पनि देखिन्छन् । प्रेममा पारख बढ्ने आजको राशिफल रहेको छ ।
कुम्भ राशिः रचनात्मक कार्यमा मन प्रवृत्त रहनेछ । वृत्ति लाभका साथै आर्थिक पक्ष उन्नत बन्दै जाने दखिन्छ । मित्र जनबाट लाभ रहनेछ ।
मीन राशिः कला मनजोरञ्जनमा चाख बढ्नेछ । व्यवसायमा उन्नतिका साथै सांगीतिक क्षेत्र उन्नत रहनेछ । भौतिक वस्तु लाभप्रद नै रहनेछन् ।
No comments:
Post a Comment