मेष राशिः मेष राशिका लागि यो साता लाभदायी रहनेछ । आर्थिक उन्नतिका साथै भौतिक वस्तुबाट लाभ रहनेछ । मित्र पक्ष सबल रहनेछन् । व्यवसायमा सफलता मिल्नुका साथै सामाजिक पद प्रतिष्ठा प्राप्तिका योग पनि देखिन्छन् । प्रेम जीवन सुखद् रहनेछ । कला साहित्यका साथै सांगीतिक क्षेत्र यो साता सफल रहनेछ । मंगल र बुधवार भने ग्रहबल प्रतिकूल रहनसक्ने भएकाले तत् समयमा देखिन्छ । स्वास्थ्यमा सजग रहनु नै लाभप्रद रहने साताको राशिफल रहेको छ ।
वृष राशिः वृष राशिका लागि साता अर्थदायी रहनेछ । आमदानीका स्रोत बढ्नेछन् । व्यवसायमा वृद्धि हुनुका साथै धातुजन्य वस्तु विशेष लाभ रहनेछन् । अध्ययन अध्यापनको क्षेत्र सबल देखिन्छ । कला मनोरञ्जनका क्षेत्रमा विशेष अभिरुचि रहनेछ । कान्ति वृद्धिका साथै प्रिय लाभका योग पनि देखिन्छन् । आध्यात्मिक क्षेत्रमा चाख बढ्नेछ । सामाजिक मान प्रतिष्ठा मिल्नुका साथै कार्य गर्ने उत्साह मनमा छाउनेछ । मित्रजनबाट लाभ हुने देखिन्छ । बिहीवारबाट भने आर्थिक अस्थिरता रहनुका साथै कार्यमा पनि सुस्तताको सामना गर्नुपर्ने देखिन्छ ।
मिथुन राशिः मिथुन राशिका लागि साता सुखद् रहनेछ । आर्थिक पक्ष सबल रहेनछ । बौद्धिक कार्यमा रुचि जाग्नुका साथै प्राकृतिक परिभ्रमणका योग देखिन्छन् । व्यवसायमा वृद्धि हुनेछ । लगानीका नयाँ स्रोत प्राप्त हुनेछन् । धातुजन्य वस्तु यो साता विशेष लाभदायी रहने देखिन्छ । प्रेममा पारख बढ्नेछ । मनमा स्फूर्ति छाउनुका साथै प्राकृतिक परिदृश्यको अवलोकनका अवसर पनि प्राप्त हुने देखिन्छ । विद्याको क्षेत्र सबल रहनेछ । मंगल र बुधबार भने चन्द्रमा प्रतिकूल रहने भएकाले खर्चमा वृद्धि गराउनसक्ने देखिन्छ । शत्रुपक्ष पनि सबल रहने तत् समयमा सजग रहनु नै उचित हुनेछ ।
कर्कट राशिः कर्कट राशिका लागि यो साता मिश्रित फलदायी रहनेछ । सोमवारसम्म ग्रहबल प्रतिकूल रहने भएकाले कार्य व्यवधानका साथै खर्चमा वृद्धि हुनसक्ने देखिन्छ । स्वास्थ्यमा सजग रहनु नै लाभप्रद रहनेछ । मंगलवारबाट भने समय क्रमशः सुखद् बन्दै जानेछ । शत्रु पक्ष निर्वल रहनेछन् । राजनीतिको क्षेत्र यो साता उन्नत रहनेछ । कार्य गर्ने उत्साह मनमा छाउनेछ । कृषि क्षेत्र उन्नत रहने देखिन्छ । आध्यात्मिक चिन्तनमा मन प्रवृत्त रहनेछ । सामाजिक कार्यमा रुचि बढ्नुका साथै सुखद् यात्राका अवसर पनि प्राप्त हुनेछन् । अध्ययन अध्यापनमा सफलता मिल्ने साताको राशिफल रहेको छ ।
सिंह राशिः सिंह राशिका लागि साता लाभदायी रहनेछ । व्यवसायमा सफलता मिल्ने देखिन्छ । कीर्ति वृद्धिका साथै सामाजिक कार्यमा अभिरुचि रहनेछ । प्रेम जीवन सुखद् रहने देखिन्छ । मित्र लाभका साथै कला सृजनमा मन अभिप्रेरित रहनेछ । भौतिक वस्तु प्रद रहनेछन् । कला साहित्यमा लगाव रहनुका साथै अध्ययन अध्यापनमा पनि सफलता मिल्ने देखिन्छ । सांगीतिक क्षेत्र सबल रहने देखिन्छ । शत्रु पराजित हुनेछन् । मंगल र बुधवार भने कार्यमा अस्थिरता रहनसक्ने साताको राशिफल रहेको छ ।
कन्या राशिः कन्या राशिका लागि साता सुखद् रहनेछ । सोचेका काम पूरा हुनेछन् । व्यवसायमा वृद्धिका साथै धनको क्षेत्र पनि सबल रहने देखिन्छ । कर्म क्षेत्र बलवान् रहनेछ । भौतिक वस्तुबाट लाभ रहनुका साथै अध्ययन अध्यापनमा पनि सफलता मिल्नेछ । प्रेम जीवन सुखद् रहनेछ । सम्बन्धमा नयाँ आयाम थपिनेछन् । बिहीवारबाट भने कार्यमा व्यवधानको सामना गर्नुपर्ने देखिन्छ । आर्थिक अस्थिरताका साथै बोलीमा पनि विकार रहनसक्नेछ । शीतकारक वस्तुबाट सजग रहनु नै उचित हुने साताको राशिफल रहेको छ ।
तुला राशिः तुला राशिका लागि साता अर्थदायी रहनेछ । साताभरि नै ग्रह अनुकूल रहनेछन् । बौद्धिक कार्यमा रुचि जाग्नुका साथै लेखन क्षेत्र सबल रहनेछ । प्रेम जीवन सुमधुर रहने देखिन्छ । मित्रजनको साथ सहयोग मिल्नुका साथै कार्यक्षेत्रमा उन्नति हुने देखिन्छ । वाक् कलामा वृद्धि हुनेछ । कला साहित्य एवं सृजनाका कार्यमा मन अभिप्रेरित रहनेछ । पारिवारिक सुख मिल्नुका साथै जलीय वस्तुबाट लाभ हुनेछ । सुखद् यात्राका अवसर पनि प्राप्त हुनेछन् । अध्ययन अध्यापनको क्षेत्र सफल रहने साताको राशिफल रहेको छ ।
वृश्चिक राशिः वृश्चिक रािशका लागि साता मिश्रित फलदायी रहनेछ । सोमबारसम्म कार्यमा अवरोधका साथै स्वास्थ्यमा पनि प्रतिकूलताको सामना गर्नुपर्ने देखिन्छ । आर्थिक पक्ष पनि अस्थिर रहनसक्नेछन् । मंगलवारबाट भने समग्र पक्षमा सुधार हुँँदै जानेछ । चन्द्रमाको सबलताले व्यवसायमा पनि सफल मिल्नेछ । भौतिक वस्तु लाभदायी रहनेछन् । मनमा परोपकारी भाव छाउनेछ । प्राज्ञिक कार्यम रुचि जाग्नुका साथै सांगीतिक क्षेत्र पनि सफल रहनेछ । धार्मिक एवं सामाजिक कार्यमा चाख रहनेछ । स्वास्थ्यको भाव मध्यम देखिन्छ । शीतकारक वस्तुको कम प्रयोग नै लाभदायी रहनेछ ।
धनु राशिः धनु राशिका लागि यो साता उन्नतिकारक रहनेछ । नयाँ कार्य व्यवसायमा मन प्रवृत्त रहनेछ । प्रेम जीवन पारखिलो रहने देखिन्छ । आर्थिक लाभका साथै व्यवसायमा पनि वृद्धिका योग देखिन्छन् । शत्रुपक्ष निर्वल रहनेछ । अध्ययन अध्यापनमा प्रगति हुनुका साथै सुखद् यात्राका योग पनि देखिन्छन् । धनको क्षेत्र सबल रहनेछ । धार्मिक कार्यमा रुचि जाग्नुका साथै भौगोलिक परिभ्रमणका अवसर पनि प्राप्त हुनेछन् । सांगीतिक क्षेत्र सबल र सफल रहनेछ । दाम्पत्य सुखका यो देखिन्छन् । मंगल र बुधवारको समय भने केही कार्यदायी रहनसक्ने साताको राशिफल रहेको छ ।
मकर राशिः मकर राशिका लागि साता उन्नतिकारक रहनेछ । मनमा स्फूर्ति बढ्नेछ । कला सृजनाका साथै मनोरञ्जनका क्षेत्रमा अधिक समय व्यतित हुने देखिन्छ । व्यवसायिक क्षेत्र सफल रहनेछ । कार्यक्षेत्रमा उन्नतिका साथै पदप्रतिष्ठा वृद्धिका योग पनि देखिन्छन् । मित्र सहयोग प्राप्त हुनेछ । प्रेममा पारख बढ्नुका साथै सम्बन्धमा नयाँ आयाम थपिनेछन् । विद्याको क्षेत्र सफल रहनेछ । वित्तीय उन्नतिका साथै धातुजन्य वस्तु यो साता विशेष लाभदायी रहनेछन् । बिहीवारपछिको समय भने केही संघर्षदायी रहनेछ । आर्थिक अस्थिरताका साथै प्रतिकूल स्वास्थ्यको पनि सामना गर्नुपर्ने साताको राशिफल रहेको छ ।
कुम्भ राशिः कुम्भराशिका लागि यो साता फलदायी रहनेछ । धनको क्षेत्र सबल रहनेछ । व्यवसायमा पनि सफलता मिल्नुका साथै लगानीका नयाँ अवसर प्राप्त हुनेछन् । नयाँ कार्यमा मन प्रवृत्त हुनेछ । धार्मिक यात्राका अवसर मिल्नुका साथै मित्र सामीप्यता अधिक रहनेछ । वाक् शक्तिमा विशेष प्रभाव रहनुका साथै कार्य व्यवसायमा पनि उन्नति हुने देखिन्छ । अध्ययन अध्यापनको क्षेत्र मध्यम फलदायी रहनेछ । प्रेममा पारख बढ्नेछ । धार्मिक कार्यमा रुचि जाग्नुका साथै प्राकृतिक परिभ्रमणका अवसर पनि प्राप्त हुनेछन् । पारिवारिक साथ सहयोगले साता मनोरम बन्ने देखिन्छ ।
मीन राशिः मीन राशिका लागि साता मिश्रित फलदायी रहनेछ । सोमबारसम्म स्वास्थ्यमा प्रतिकूलताका साथै खर्चमा पनि वृद्धि हुने देखिन्छ । स्वास्थ्यमा सजग रहनु नै उचित हुनेछ । मंगलवारबाट दिन सुखद् बन्दै जानेछन् । आय आर्जनका अवसर मिल्नुका साथै भौतिक वस्तुबाट पनि लाभ रहनेछ । विद्याको भाव सबल रहनेछ । अध्ययनमा सफलता मिल्नुका साथै प्रतिस्पर्धामा पनि अग्रता रहनेछ । शत्रु पराजित हुनेछन् । पारिवारिक साथ सहयोगले साता सुखद् रहने देखिन्छ । प्रेम जीवन पनि पारखिलो बन्ने साताको राशिफल रहेको छ ।
उपप्रा. नारायणप्रसाद निरौला, ज्योतिषाचार्य, वास्तुविद्
No comments:
Post a Comment