आज पूर्णिमाव्रत, पञ्चाङ्गसहित हेर्नुहोस् आजको दिन २०७७ आश्विन १५ गते

श्रीगणेशाय नमः ।। आज विक्रम संवत् २०७७ साल आश्विन महिनाको १५ गते तदनुसार ईशवीय सन् २०२० अन्तर्गत अक्टोवर महिनाको १ तारिख, बिहीवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्रीशालिवाहनीय शाके १९४२, तथा नेपाल संवत् ११४० अन्तर्गत प्रमादी नामको संवत्सर चलिरहेको छ ।

 सूर्य दक्षिणायनमा छन् । शरद ऋतुअन्तर्गत अधिक आश्विन  शुक्लपक्षको पूर्णिमा तिथि राति १।२७ बजेसम्म रहनेछ । यो महिनाका देवता पद्मनाभ र मासदेवी इषा हुन् । सूर्य कन्या  राशिमा र बृहस्पति धनु राशिमा रहेका छन् ।  उत्तराभाद्रपदा नक्षत्र अहोरात्र   रहनेछन् । यसैगरी आज वृद्धि योग र भद्रा करण रहेका छन् । आज सूर्योदय बिहान ५।५७ मा छ भने सूर्यास्त बेलुका ५।४८ बजे हुनेछ । चन्द्रमा आज मीन राशिमा रहेका   छन् । 

 

आज पूर्णिमाव्रत परेको छ । पूर्णिमामा चन्द्रमाको उपासना गरिन्छ । यो व्रत जुनदिन रात्रिकालीन समयमा पूर्णिमा तिथि रहन्छ सोही दिन लिनुपर्दछ ।  आजको रात्रिकालीन समयमा पूर्णमा तिथि रहेकाले आज पुर्णिमाव्रत रहेको हो । चन्द्रजन्य दोष निवारणका साथै अभीष्ट सिद्धिका निीम्त पनि पूर्णिमाको व्रतधारण गरिन्छ । 

 उपप्राध्यापकनारायणप्रसादनिरौला

    ज्योतिषाचार्य, वास्तुविद्