आज आइतवार, कस्ता कार्यका निम्ति लाभदायी रहनेछ ? हेर्नुहोस् आजको दिन २०७७ आश्विन १८ गते

श्रीगणेशाय नमः ।। आज विक्रम संवत् २०७७ साल आश्विन महिनाको १८ गते तदनुसार ईशवीय सन् २०२० अन्तर्गत अक्टोवर महिनाको ४ तारिख, आइतवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्रीशालिवाहनीय शाके १९४२, तथा नेपाल संवत् ११४० अन्तर्गत प्रमादी नामको संवत्सर चलिरहेको छ ।

 सूर्य दक्षिणायनमा छन् । शरद ऋतुअन्तर्गत अधिक आश्विन  कृष्णपक्षको  तृतीया  तिथि अहोरात्र बजेसम्म रहनेछ । यो महिनाका देवता पद्मनाभ र मासदेवी इषा हुन् । सूर्य कन्या  राशिमा र बृहस्पति धनु राशिमा रहेका छन् ।  अश्विनी  नक्षत्र दिवा ११।१२  बजेसम्म रहनेछन् । यसैगरी आज हर्षण योग र वणिज करण रहेका छन् । आज सूर्योदय बिहान ५।५८ मा छ भने सूर्यास्त बेलुका ५।४५ बजे हुनेछ । चन्द्रमा आज मेष  राशिमा रहेका   छन् ।  

आज आइतवार सूर्य भगवान्को उपासनाका साथै राता वस्तुको प्रयोग लाभदायी रहनेछ । यसैगरी आज सूर्यसूक्तको पाठ पनि फलदायी रहनेछ ।

 उपप्राध्यापक नारायणप्रसाद निरौला  ज्योतिषाचार्य, वास्तुविद्