आज बिहीवार, हेर्नुहोस् आजको दिन २०७७ पौष १६ गते

श्रीगणेशाय नमः ।। आज विक्रम संवत् २०७७ साल पौष महिनाको १६ गते तदनुसार ईशवीय सन् २०२० अन्तर्गत डिसेम्बर महिनाको ३१ तारिख, बिहीवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ । सूर्य दक्षिणायनमा छन् । हेमन्त ऋतुअन्तर्गत पौष शुक्लपक्षको प्रतिपदा तिथि बिहान ९।१९ बजेसम्म रहनेछ । यो महिनाका देवता नारायण र मासदेवी लक्ष्मी हुन् । सूर्य धनु राशिमा र बृहस्पति मकर राशिमा रहेका छन् । पुनर्वसु नक्षत्र राति ८।१२ बजेसम्म रहनेछन् । यसैगरी आज ऐन्द्र योग र तैतिल करण रहेका छन् । आज सूर्योदय बिहान ६।५६ मा छ भने सूर्यास्त बेलुका ५।१८ बजे हुनेछ । चन्द्रमा आज मिथुन राशिमा रहेका छन् । 

 आज बिहीवार दुर्गा भगवतीको उपासनाका साथै पहेला वस्तुको प्रयोग शुभ रहनेछ । यसैगरी आजबाट पौष कृष्णपक्षको पनि आरम्भ भएको छ । 

 उपप्राध्यापक नारायणप्रसाद निरौला ज्योतिषाचार्य, वास्तुविद्