आज पौषे औँसी, स्नान एवं दानका निम्ति उत्तम दिन २०७७ पौष २९ गते

श्रीगणेशाय नमः ।। आज विक्रम संवत् २०७७ साल पौष महिनाको २९ गते तदनुसार ईशवीय सन् २०२१ अन्तर्गत  जनवरी महिनाको १३ तारिख, बुधवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।

 सूर्य दक्षिणायनमा छन् । हेमन्त ऋतुअन्तर्गत पौष कृष्णपक्षको औँसी तिथि बिहान १०।२७  बजेसम्म रहनेछ । यो महिनाका देवता नारायण र मासदेवी लक्ष्मी हुन् । सूर्य धनु राशिमा र बृहस्पति मकर राशिमा रहेका छन् । उत्तराषाढा नक्षत्र बिहान राति ६।१४ बजेसम्म  रहनेछन् । यसैगरी आज हर्षण योग र नाग करण रहेका छन् । आज सूर्योदय बिहान ६।५८ मा छ भने सूर्यास्त बेलुका ५।२८ बजे हुनेछ । चन्द्रमा आज धनु  राशिमा रहेका  छन् ।

  

आज पौषे औँसी हो । आज मौन स्नानको विशेष महिमा रहेको पायन्छ । यसका साथै पितृप्रति श्रद्धाभक्तिपूर्वक गरिएको दान पुण्य  फलदायी रहने गर्दछ ।  

 उपप्राध्यापक नारायणप्रसाद निरौला

    ज्योतिषाचार्य, वास्तुविद्