आज शनिवार, कस्ता कार्यका निम्ति शुभ रहनेछ ? हेर्नुहोस् आजको दिन २०७७ माघ १० गते

श्रीगणेशाय नमः ।। आज विक्रम संवत् २०७७ साल माघ महिनाको १० गते तदनुसार ईशवीय सन् २०२१ अन्तर्गत जनवरी महिनाको २३ तारिख, शनिवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।

 सूर्य उत्तरायणमा छन् । शिशिर ऋतुअन्तर्गत पौष शुक्लपक्षको दशमी तिथि राति ८।००     बजेसम्म रहनेछ । यो महिनाका देवता माधव र मासदेवी रुक्मिणी हुन् । सूर्य मकर राशिमा र बृहस्पति मकर राशिमा रहेका छन् । कृत्तिका नक्षत्र बेलुका ९।६ बजेसम्म रहनेछन् । यसैगरी आज शुक्ल योग र तैतिल करण रहेका छन् । आज सूर्योदय बिहान ६।५६ मा छ भने सूर्यास्त बेलुका ५।३६ बजे हुनेछ । चन्द्रमा आज वृष  राशिमा रहेका   छन् ।  

आज शनिवार शिवजीको उपासनका साथै पिपलको दर्शन एवं पूजान शुभ फलदायी रहनेछ । यसैगरी शनिजन्य दोष निवृत्तिका निम्ति शनिमृत्युञ्जयको पाठ पनि शुभ रहनेछ । 

 उपप्राध्यापक नारायणप्रसाद निरौला

    ज्योतिषाचार्य, वास्तुविद्