आजको राशिफल २०७७ फागुन २ गते

श्रीगणेशाय नमः ।। आज विक्रम संवत् २०७७ साल, फागुन महिनाको २ गते तदनुसार ईशवीय सन् २०२१ अन्तर्गत फेव्रुअरी महिनाको १४ तारिख,  आइतवार  हो ।  सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।

 सूर्य उत्तरायणमा छन् । शिशिर ऋतुअन्तर्गत माघ शुक्लपक्षको तृतीया तिथि राति १।४२    बजेसम्म रहनेछ । यो महिनाका देवता गोविन्द र मासदेवी धात्री हुन् । सूर्य कुम्भ राशिमा र बृहस्पति मकर राशिमा रहेका छन् । पूर्वाभाद्रपदा नक्षत्र दिवा ४।३६ बजेसम्म रहनेछन् । यसैगरी आज सिद्धि योग र तैतिल करण रहेका छन् । आज सूर्योदय बिहान ६।४४ मा छ भने सूर्यास्त बेलुका ५।५३ बजे हुनेछ । चन्द्रमा आज कुम्भ राशिमा रहेका  छन् ।  

आज आइतवार सूर्यनारायण भगवान्को उपासनाका राता वस्तुको प्रयोग शुभ फलदायी रहनेछ । 

आजको राशिफल

२०७७ फागुन २ गते    

मेष राशिः  व्यवसायमा उन्नति हुनेछ ।  आय आर्जमा वृद्धि हुनुका साथै कार्य लाभका योग देखिन्छन् । स्वास्थ्यको क्षेत्र मध्यम फलदायी रहनेछ । 

वृष राशिः  आर्थिक लाभ हुनेछ । मित्र सुखका साथै कला सृजनामा मन अभिप्रेरित रहनेछ । प्रेममा पारख बढ्ने आजको राशिफल रहेको छ ।

मिथुन राशिः  प्रिय सुख मिल्नेछ । व्यवसायमा उन्नतिका  साथै अध्ययन अध्यापनमा पनि सफलता मिल्ने देखिन्छ । कर्मक्षेत्र सबल रहनेछ ।

कर्कट राशिः दिन कार्यदायी रहनसक्नेछ । शत्रु भयका साथै खर्चमा पनि वृद्धि हुनसक्ने देखिन्छ । स्वास्थ्यमा सजग रहनु नै उचित हुनेछ । 

 सिंह राशिः पारिवारिक सुख मिल्नेछ । जलीय पदार्थ लाभदायी रहनुका साथै अध्ययन अध्यापनमा  पनि सफलता मिल्नेछ । 

 कन्या राशिः प्रिय लाभ हुनेछ । आर्थिक उन्नतिका साथै सुखद् यात्राका योग देखिन्छन् । धार्मिक कार्यमा रुचि रहने आजको राशिफल रहेको छ ।

तुला राशिः सांगीतिक क्षेत्रमा रुचि रहनेछ । आय आर्जनमा वृद्धि हुनुका साथै व्यवसाय पनि सफलता मिल्ने देखिन्छ ।  

वृश्चिक राशिः  कार्यक्षेत्र संघर्षदायी रहनसक्नेछ । स्वास्थ्यमा प्रतिकूलताका साथै खर्चवृद्धिको सामना गर्नुपर्ने आजको राशिफल रहेको छ ।  

धनु राशिः प्राज्ञिक कार्यमा संलग्नता रहनेछ । धार्मिक कार्यमा रुचि जाग्नुका साथै यात्राका योग पनि देखिन्छन् । भौतक वस्तु लाभदायी रहनेछन् ।

मकर राशिः भौतिक वस्तु लाभदायी रहनेछन् । आय आर्जनमा वृद्धि हुनुका साथै मानसिक तुष्टि मिल्नेछ । आज पारिवारिक सुख प्राप्तिका योग पनि देखिन्छन् । 

 कुम्भ राशिः आयमा वृद्धि हुनेछ । धातुजन्य वस्तु लाभदायी रहनुका साथै सामाजिक कार्यमा मन प्रवृत्त रहनेछ ।  प्रेम जीवन  सुखद् रहने आजको राशिफल रहेको छ  ।

मीन राशिः शत्रु पक्ष सबल रहनेछन् । आर्थिक अस्थिरताका साथै कार्यक्षेत्रमा पनि संघर्ष गर्नुपर्ने देखिन्छन् । मध्याह्नपछिको समय लाभादायी रहनेछ ।