आजको राशिफल २०७७ फागुन ३ गते

श्रीगणेशाय नमः ।। आज विक्रम संवत् २०७७ साल, फागुन महिनाको ३ गते तदनुसार ईशवीय सन् २०२१ अन्तर्गत फेव्रुअरी महिनाको १५ तारिख,  सोमवार  हो ।  सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।

 सूर्य उत्तरायणमा छन् । शिशिर ऋतुअन्तर्गत माघ शुक्लपक्षको चतुर्थी तिथि राति ३।१०    बजेसम्म रहनेछ । यो महिनाका देवता गोविन्द र मासदेवी धात्री हुन् । सूर्य कुम्भ राशिमा र बृहस्पति मकर राशिमा रहेका छन् । उत्तराभाद्रपदा नक्षत्र दिवा ६।२५ बजेसम्म रहनेछन् । यसैगरी आज साध्य  योग र वणिज करण रहेका छन् । आज सूर्योदय बिहान ६।४३ मा छ भने सूर्यास्त बेलुका ५।५४ बजे हुनेछ । चन्द्रमा आज मीन राशिमा रहेका  छन् ।  

आज सोमवार शिवजीको उपासनाका साथै सेता वस्तुको प्रयोग शुभ रहनेछ । 

आजको राशिफल

२०७७ फागुन ३ गते    

मेष राशिः दिन कार्यदायी रहनेछ । आर्थिक अस्थिरतका साथै प्रतिकूल स्वास्थ्यको समेत सामना गर्नुपर्ने देखिन्छ । विद्याको क्षेत्र मध्यम रहनेछ । 

वृष राशिः पारिवारिक सुख मिल्नेछ । आर्थिक उन्नतिका साथै व्यवसायमा पनि वृद्धि हुने देखिन्छ । प्रेम जीवन आज सुखद् रहनेछ । 

मिथुन राशिः वाक् कलामा वृद्धि हुनेछ । मिष्ठान्न प्राप्तिका साथै कार्य व्यवसायमा पनि सफलता मिल्ने देखिन्छ ।  

कर्कट राशिः धार्मिक कार्यमा रुचि जाग्नेछ । मित्र सुख मिल्नुका साथै सुखद् यात्राकायोग पनि देखिन्छन् । आर्थिक पक्ष पनि सबबल नै रहनेछ ।

सिंह राशिः चन्द्रमा आज प्रतिकूल रहनेछन् । स्वास्थ्यमा अस्थिरताका साथै खर्चमा पनि वृद्धि हुनसक्ने देखिन्छ । विद्याको क्षेत्र मध्यम फलदायी रहनेछ । 

कन्या राशिः व्यवसायमा सफलता मिल्नेछ । भौतिक वस्तुबाट लाभ रहनुका साथै कला साहित्यका क्षेत्रमा विशेष लगाव रहने देखिन्छ । 

 तुला राशि ः  आयमा वृद्धि हुनेछ । कार्य क्षेत्रमा प्रभावकारिता रहनुका साथै जलीय वस्तु लाभदायी रहनेछन् । प्रेम जीवन सुखद् रहने देखिन्छ । 

वृश्चिक राशिः विद्याको क्षेत्र आज सबल रहनेछ । धातुजन्य वस्तु लाभदायी रहनुका साथै मनोरञ्जनमा विशेष रुचि रहने देखिन्छ । प्रेम जीवन सुखद् रहनेछ ।

धनु राशिः  शत्रु पक्ष सबल रहनेछन् । कार्यक्षेत्रमा अवरोधका सथै खर्चमा वृद्धि हुनसक्ने देखिन्छ । स्वास्थ्यमा सजग रहनु नै उचित रहनेछ । 

मकर राशिः    प्रिय सुख मिल्नेछ । बोलीमा ओज रहनुका साथै कार्य क्षेत्रमा पनि उन्नति हुने योग देखिन्छ । विद्याको क्षेत्र पनि आज सबल नै रहनेछ । 

कुम्भ राशिः  द्रव्य लाभ हुनेछ । नयाँँ कार्यमा मन प्रवृत्त रहुका साथै दिन सुखद् रूपमा व्यतित हुने देखिन्छ । खेलको क्षेत्र पनि सफल नै रहनेछ । 

मीन राशिः वित्तीय लाभ हुनेछ । प्रिय सुख मिल्नुका साथै सुखद् यात्राको योग देखिन्छ । अध्ययन अध्यापनमा पनि सफलता मिल्ने देखिन्छ ।