श्रीगणेशाय नमः ।। आज विक्रम संवत् २०७७ साल, चैत्र महिनाको १७ गते तदनुसार ईशवीय सन् २०२१ अन्तर्गत मार्च महिनाको ३० तारिख, मंगलवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।
सूर्य उत्तरायणमा छन् । वसन्त ऋतुअन्तर्गत चैत्रकृष्णपक्षको द्वितीया तिथि राति ८।४८ बजेसम्म रहनेछ । यो महिनाका देवता विष्णु र मासदेवी रमा हुन् । सूर्य मीन राशिमा र बृहस्पति मकर राशिमा रहेका छन् । चित्रा नक्षत्र दिवा ३।२२ बजेसम्म रहनेछन् । यसैगरी आज व्याघात योग र तैतिल करण रहेका छन् । आज सूर्योदय बिहान ५।५९ मा छ भने सूर्यास्त बेलुका ६।२० बजे हुनेछ । चन्द्रमा आज तुला राशिमा रहेका छन् ।
आज मंगलवार गणेशजी एवं हनुमानजीको उपासना शुभफलदायी रहनेछ । यसैगरी आज मंगलजन्य दोष निवृत्तिका निम्ति ‘ॐ अं अंगारकाय नमः’ भन्ने मन्त्र जप लाभदायी रहनेछ ।
आजको राशिफल
२०७७ चैत्र १७ गते, मंगलवार
मेष राशिः कान्ति वृद्धि हुनेछ । आयमा वृद्धिका साथै धार्मिक आध्यात्मिक चिन्तनमा मन अभिप्रेरित रहनेछ । प्रेममा पनि पारख बढ्ने आजको राशिफल रहेको छ ।
वृष राशिः पराक्रम बढ्नेछ । आर्थिक उन्नतिका साथै यात्राका योग पनि देखिन्छन् । अध्ययन अध्यापनमा सफलता मिल्ने आजको राशिफल रहेको छ ।
मिथुन राशिः जलीय वस्तुबाट लाभ हुनेछ । मित्र सुख मिल्नुका साथै यात्राकायोग पनि देखिन्छन् । अध्ययन अध्ययापनमा पनि सफलता मिल्ने आजको राशिफल रहेको छ ।
कर्कट राशिः दिन कार्यदायी रहनेछ । स्वाथ्यमा प्रतिकूलताका साथै खर्चमा पनि वृद्धि हुनसक्ने देखिन्छ । निर्णयप्रक्रियामा नहतारिनु नै आज लाभप्रद रहनेछ ।
सिंह राशिः आर्थिक लाभ हुनेछ । कार्यक्षेत्रमा उन्नतिका साथै यात्राका योग पनि देखिन्छन् । बौद्धिक कार्यमा रुचि रहनुका साथै पारिवारिक सुखका योग पनि देखिन्छ ।
कन्या राशिः वित्तीय लाभ हुनेछ । व्यवसायमा उन्नतिका साथै नयाँ कार्यक्षेत्रमा मन प्रवृत्त रहने देखिन्छ । धातुजन्य वस्तु आज लाभदायी रहनेछन् ।
तुला राशिः मिष्ठान्न लाभ हुनेछ । पराक्रम वृृद्धिका साथै कला सृजनमा मन अभिप्रेरित रहने देखिन्छ । प्रेम जीवन पनि आज सुखमय व्यतीत हुने देखिन्छ ।
वृश्चिक राशिः ग्रह बल आज कमजोर देखिन्छ । शारीरिक आलश्यताका साथै कार्यक्षेत्रमा पनि सुस्तता रहनसक्नेछ । स्वास्थ्यमा सजग रहनु नै उचित हुने देखिन्छ ।
धनु राशिः कार्यक्षेत्रमा उन्नति हुनेछ । वृत्ति लाभका साथै अध्ययन अध्यापनमा पनि सफलता प्राप्त हुने देखिन्छ । जलीय वस्तु आज लाभदायी रहनेछन् ।
मकर राशिः प्रिय लाभ हुनेछ । वाणिज्य क्षेत्रमा उन्नतिका साथै यात्राका योग पनि देखिन्छन् । कार्यक्षेत्रमा पनि सफलता मिल्ने आजको राशिफल रहेको छ ।
कुम्भ राशिः वृत्ति लाभ हुनेछ । मित्र सुख रहनुका साथै सृजनात्मक कार्यमा मन अभिप्रेरित रहनेछ । भौतिक वस्तु आज लाभदायी रहनेछन् ।
मीन राशिः शत्रुपक्ष सबल रहनेछन् । कार्यक्षेत्रमा संघर्षका साथै खर्चमा पनि वृद्धि हुनसक्ने देखिन्छ । स्वास्थ्यमा सजग रहनु नै उचित हुने देखिन्छ ।
No comments:
Post a Comment