श्रीगणेशाय नमः ।। आज विक्रम संवत् २०७७ साल, चैत्र महिनाको १६ गते तदनुसार ईशवीय सन् २०२१ अन्तर्गत मार्च महिनाको २९ तारिख, सोमवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।
सूर्य उत्तरायणमा छन् । वसन्त ऋतुअन्तर्गत चैत्रकृष्णपक्षको प्रतिपदा तिथि राति ११।४ बजेसम्म रहनेछ । यो महिनाका देवता विष्णु र मासदेवी रमा हुन् । सूर्य मीन राशिमा र बृहस्पति मकर राशिमा रहेका छन् । हस्ता नक्षत्र बेलुका ४।५१ बजेसम्म रहनेछन् । यसैगरी आज ध्रुव योग र बालव करण रहेका छन् । आज सूर्योदय बिहान ६।०० मा छ भने सूर्यास्त बेलुका ६।१९ बजे हुनेछ । चन्द्रमा आज कन्या राशिमा रहेका छन् ।
आज नेपालका तराई भेगमा होलीपर्व भव्यपमा मनाइन्छ । यसका साथै आज सोमवार शिवजीको उपासना गर्ने उत्तम दिन हो । यसैगरी चन्द्रजन्य दोष निवृत्तिका लागि सोमसूक्तको पाठ पनि कल्याणदायी रहनेछ ।
आजको राशिफल
२०७७ चैत्र १६ गते, सोमवार
मेष राशिः गृह सुख मिल्नेछ । कान्ति वृद्धिका साथै सुखद् यात्राका योग देखिन्छन् । जलीय वस्तुबाट विशेष लाभ रहनेछ ।
वृष राशिः कार्यलाभ हुनेछ । आय बढ्नुका साथै पारिवारिक सुखका योग देखिन्छन् । प्रेम पक्ष सुदृढ रहनेछ ।
मिथुन राशिः शत्रु पक्ष सबल रहनसक्नेछन् । खर्च बढ्नुका साथै स्वास्थ्यमा पनि प्रतिकूलता रहनसक्ने देखिन्छ ।
कर्कट राशिः मित्र सुख रहनेछ, कार्य क्षेत्रमा उन्नतिका साथै सुखद् यात्रका योग पनि देखिन्छन् । अध्ययन अध्यापनको क्षेत्र सबल रहने राशिफल रहेको छ ।
सिंह राशिः प्रिय लाभ हुनेछ । कान्ति वृद्धिका साथै मित्र पक्षबाट सुख मिल्ने देखिन्छ । आर्थिक उन्नतिका योग पनि देखिन्छन् ।
कन्या राशिः कान्तिवृद्धि हुनेछ । जलीय वस्तुबाट लाभ रहनुका साथै सुखद् यात्राका योग पनि देखिन्छन् । मित्रपक्षको साथ सहयोग मिल्नेछ ।
तुला राशिः ग्रहबल आज कमजोर रहनेछ । शत्रुभयका साथै कार्यक्षेत्रमा संघर्षका योग देखिन्छन् । स्वास्थ्यमा सजग रहनु नै उचित हुनेछ ।
वृश्चिक राशिः पराक्रम बढ्नेछ । गृह सुख मिल्नुका साथै अध्ययनमा रुचि बढ्नेछ । सांगीतिक क्षेत्र उन्नत देखिन्छ ।
धनु राशिः वित्तीय लाभ हुनेछ । कार्यक्षेत्रमा उन्नतिका साथै सुखद् यात्राका योग देखिन्छन् । प्रेम जीवन फलिभूत रहनेछ ।
मकर राशिः प्रिय सुख मिल्नेछ । कार्य अवसर प्राप्त हुनुका साथै सुखद् यात्राका अवसर पनि प्राप्त हुनेछन् । मनोरञ्जनमा अधिक समय व्यतित हुनसक्ने देखिन्छ ।
कुम्भ राशिः दिन कार्यदायी रहनसक्ने देखिन्छ । खर्चमा वृद्धिका साथै कार्यक्षेत्रमा अधिक संघर्ष रहनसक्ने देखिन्छ । संघर्षको प्रतिफल सुखद् नै रहनेछ ।
मीन राशिः भौतिक वस्तुबाट लाभ रहनेछ । कान्ति वृद्धिका साथै मन नयाँ कार्यमा अग्रसर रहनेछ । आर्थिक पक्ष पनि उन्नत नै रहनेछ ।
No comments:
Post a Comment