श्रीगणेशाय नमः ।। आज विक्रम संवत् २०७७ साल, फागुन महिनाको २४ गते तदनुसार ईशवीय सन् २०२१ अन्तर्गत मार्च महिनाको ८ तारिख, सोमवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।
सूर्य उत्तरायणमा छन् । शिशिर ऋतुअन्तर्गत फागुन कृष्णपक्षको दशमी तिथि बेलुका ५।४४ बजेसम्म रहनेछ । यो महिनाका देवता गोविन्द र मासदेवी धात्री हुन् । सूर्य कुम्भ राशिमा र बृहस्पति मकर राशिमा रहेका छन् । पूर्वाषाढा नक्षत्र राति १०।३४ बजेसम्म रहनेछन् । यसैगरी आज व्यतीपात योग र वणिज करण रहेका छन् । आज सूर्योदय बिहान ६।२३ मा छ भने सूर्यास्त बेलुका ६।८ बजे हुनेछ । चन्द्रमा आज धनु राशिमा रहेका छन् ।
आज सोमवार शिवजीको उपासनाका ासथै सेता वस्तुको प्रयोग शुभ रहनेछ ।
आजको राशिफल
२०७७ फागुन २४ गते, सोमववार
मेष राशिः चन्द्रबल आज कमजोर रहनेछ । खर्चवृद्धिका साथै शत्रुपक्ष सबल रहनेछन् । स्वास्थ्यमा सजग रहनु नै लाभप्रद रहनेछ ।
वृष राशिः प्रिय सुख मिल्नेछ । कान्ति वृद्धिका साथै जलीय वस्तु लाभदायी रहनेछन् । मित्र पक्ष पनि आज सबल रहनेछन् ।
मिथुन राशिः भौतिक वस्तुबाट लाभ रहनेछ । कीर्ति वृद्धिका साथै पारिवारिक सुख मिल्ने देखिन्छ । अध्ययनमा पनि रुचि जाग्नेछ ।
कर्कट राशिः प्रिय लाभ हुनेछ । आर्थिक उन्नतिका साथै नयाँ कार्य प्राप्तिका योग देखिन्छन् । कार्य क्षेत्रमा सफलता मिल्ने आजको राशिफल रहेको छ ।
सिंह राशिः स्वास्थ्यको भाव प्रतिकूल देखिन्छ । आर्थिक अस्थिरताका साथै मनमा चपलता बढ्नेछ । शत्रु पक्षबाट सजग रहनु नै लाभप्रद रहनेछ ।
कन्या राशिः धार्मिक कार्यमा रुचि रहनेछ । व्यवसायमा वृद्धिका साथै यात्राका योग पनि देखिन्छन् । अध्ययनको क्षेत्र सफल रहनेछ ।
तुला राशिः मनमा उत्साह छाउनेछ । कार्य प्राप्तिका साथै भौतिक वस्तुबाट लाभ रहनेछ । प्रेम जीवन आज सुमधुर रहने देखिन्छ ।
वृश्चिक राशिः वित्तीय लाभ हुनेछ । कला साहित्यमा चाख रहनुका साथै पारिवािरक सुख मिल्ने देखिन्छ । धातुजन्य वस्तु लाभदायी रहनेछन् ।
धनु राशिः दिन कार्यदायी रहनसक्नेछ । खर्चमा वृद्धिका शत्रु पक्षबाट पनि भय देखिन्छ । सन्ध्याकाल पश्चात्को समय भने सुखद् रहनेछ ।
मकर राशिः विद्याको भाव सबल रहनेछ । अध्ययनमा रुचि बढ्नुका साथै कला साधनामा पनि मन प्रवृत्त रहनेछ । कार्य व्यवसायमा पनि उन्नति हुने आजको राशिफल रहेको छ ।
कुम्भ राशिः पराक्रम बढ्नेछ । आर्थिक उन्नतिका साथै व्यवसायमा विशेष संलग्नता रहनेछ । कार्यदक्षतामा पनि वृद्धि हुने देखिन्छ ।
मीन राशिः मित्र पक्ष सबल रहनेछन् । कार्य कुशलताका साथै अध्ययनमा रुचि जाग्नेछ । आर्थिक पक्ष पनि सबल नै रहने आजको राशिफल रहेको छ ।
No comments:
Post a Comment