श्रीगणेशाय नमः ।। आज विक्रम संवत् २०७७ साल, चैत्र महिनाको २० गते तदनुसार ईशवीय सन् २०२१ अन्तर्गत अप्रिल महिनाको २ तारिख, शुक्रवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।
सूर्य उत्तरायणमा छन् । वसन्त ऋतुअन्तर्गत चैत्रकृष्णपक्षको पञ्चमी तिथि दिवा १।३७ बजेसम्म रहनेछ । यो महिनाका देवता विष्णु र मासदेवी रमा हुन् । सूर्य मीन राशिमा र बृहस्पति मकर राशिमा रहेका छन् । अनुराधा नक्षत्र बिहान १०।२६ बजेसम्म रहनेछन् । यसैगरी आज सिद्धि योग र तैतिल करण रहेका छन् । आज सूर्योदय बिहान ५।५५ मा छ भने सूर्यास्त बेलुका ६।२१ बजे हुनेछ । चन्द्रमा आज वृश्चिक राशिमा रहेका छन् ।
आज शुक्रवार इन्द्रायणी भगवतीको उपासना शुभ फलदायी रहनेछ । यसैगरी आज कला साहित्य एवं मनोरञ्जनसँग सम्बन्धित कार्य शुभ फलदायी रहनेछन् ।
आजको राशिफल
२०७७ चैत्र २० गते, शुक्रवार
मेष राशि ः ग्रहबल आज कमजोर देखिन्छ । खर्च वृद्धिका साथै शत्रुपक्षबाट पनि भय रहनेछ । विद्याको क्षेत्र मध्यमफलदायी रहनेछ ।
वृष राशिः अध्ययनमा रुचि जाग्नेछ । आर्थिक उन्नतिका साथै जलीय वस्तुबाट लाभ रहने देखिन्छ । धार्मिक कार्यमा पनि संलग्नता रहने आजको राशिफल रहेको छ ।
मिथुन राशिः वृत्ति लाभ हुनेछ । कार्य व्यवसायमा उन्नतिका साथै यात्राका योग पनि देखिन्छन् । भौतिक वस्तुबाट विशेष लाभ हुनेछ ।
कर्कट राशिः दिन सुखद् रहनेछ । कार्य व्यवसायमा उन्नतिका साथै जलीय वस्तुबाट लाभ रहनेछ । प्रेम जीवन पनि आज पारखिलो रहने देखिन्छ ।
सिंह राशिः दिन कार्यदायी रहनसकनेछ । कार्य अवरोधका साथै खर्चमा पनि वृद्धि हुनसक्ने देखिन्छ । स्वास्थ्यमा सजग रहनु जनै उचित हुने आजको राशिफल रहेको छ ।
कन्या राशिः प्रिय सुख मिल्नेछ । कान्ति वृद्धिका साथै अध्ययन अध्यापनमा पनि सफलता मिल्ने देखिन्छ । स्वास्थ्यको क्षेत्र सबल देखिन्छ ।
तुला राशिः वित्तीयलाभ हुनेछ । मित्र सुख मिल्नुका साथै यात्राका योग पनि देखिन्छन् । अध्ययन अध्यापनमा सफलता मिल्नेछ ।
वृश्चिक राशिः गृह सुख मिल्नेछ । कान्ति वृद्धिका साथै कला मनोरञजनमा चाख रहने देखिन्छ । जलीय वस्तु आज विशेष लाभदायी रहनेछन् ।
धनु राशिः ग्रह बल आज कमजोर रहनेछ । जसले कार्य क्षेत्रमा अस्थिरताका साथै शत्रुपक्ष पनि सबल रहनसक्नेछन् । स्वास्थ्यमा पनि सजग रहनु आज उचित हुनेछ ।
मकर राशिः मित्र लाभ हुनेछ । आर्थिक उन्नतिका साथै यात्राका योग पनि देखिन्छन् । पारिवारिक सुख मिल्ने आजको राशिफल रहेको छ ।
कुम्भ राशिः भौतिक वस्तुबाट लाभ हुनेछ । कार्य क्षेत्रमा उन्नतिका साथै मित्र मिलनका योग पनि देखिन्छन् । अध्ययन अध्यापनमा पनि सफलता मिल्ने आजको राशिफल रहेको छ ।
मीन राशिः विद्याको क्षेत्र सबल रहनेछ । कार्य लाभका साथै व्यवसायमा पनि सफलता मिल्ने देखिन्छ । भौतिक वस्तु लाभदायी रहनेछन् ।
No comments:
Post a Comment