आजको राशिफल २०७७ चैत्र २१ गते, शनिवार

श्रीगणेशाय नमः ।। आज विक्रम संवत् २०७७ साल, चैत्र महिनाको २१ गते तदनुसार ईशवीय सन् २०२१ अन्तर्गत अप्रिल महिनाको ३ तारिख, शनिवार हो ।  सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।

 सूर्य उत्तरायणमा छन् । वसन्त ऋतुअन्तर्गत चैत्रकृष्णपक्षको षष्ठी तिथि दिवा ११।२३     बजेसम्म रहनेछ । यो महिनाका देवता विष्णु र मासदेवी रमा हुन् । सूर्य मीन राशिमा र बृहस्पति मकर राशिमा रहेका छन् । ज्येष्ठा नक्षत्र बिहान ८।५५ बजेसम्म रहनेछन् । यसैगरी आज वरियन योग र वणिज करण रहेका छन् । आज सूर्योदय बिहान ५।५४ मा छ भने सूर्यास्त बेलुका ६।२२ बजे हुनेछ । चन्द्रमा आज वृश्चिक राशिमा रहेका  छन् ।  

आज शनिवार शिवजीको उपासनाका साथै पिपलको दर्शन एवं पूजनन शुभ फलदायी रहनेछ । यसैगरी शनिजन्य दोष निवृत्तिका निम्ति ॐ शं शनिश्चराय नमः भन्ने मन्त्रको जप लाभदायी रहनेछ । 

आजको राशिफल

२०७७ चैत्र २१ गते, शनिवार      

मेष राशिः  व्यवसायमा सफलता मिल्नेछ । भौतिक वस्तुबाट लाभ रहनुका साथै कला साहित्यका क्षेत्रमा विशेष लगाव रहने देखिन्छ । 

वृष राशिः पराक्रम बढ्नेछ । आर्थिक उन्नतिका साथै व्यवसायमा पनि वृद्धि हुने देखिन्छ । प्रेम जीवन आज सुखद् रहनेछ । 

मिथुन राशिः दिन कार्यदायी रहनेछ । आर्थिक अस्थिरतका साथै प्रतिकूल स्वास्थ्यको समेत सामना गर्नुपर्ने देखिन्छ । विद्याको क्षेत्र मध्यम रहनेछ ।

कर्कट राशिः  वाक् कलामा वृद्धि हुनेछ । वित्तीय लाभका साथै कार्य व्यवसायमा पनि सफलता मिल्ने देखिन्छ । 

 

सिंह राशिः धार्मिक कार्यमा रुचि जाग्नेछ । मित्र सुख मिल्नुका साथै सुखद् यात्राकायोग पनि देखिन्छन् । आर्थिक पक्ष पनि सबबल नै रहनेछ । 

कन्या राशिः चन्द्रमा आज प्रतिकूल रहनेछन् । स्वास्थ्यमा अस्थिरताका साथै खर्चमा पनि वृद्धि हुनसक्ने देखिन्छ । विद्याको क्षेत्र मध्यम फलदायी रहनेछ । 

  तुला राशि ः  प्रिय सुख मिल्नेछ । बोलीमा ओज रहनुका साथै कार्य क्षेत्रमा पनि उन्नति हुने योग देखिन्छ । विद्याको क्षेत्र पनि आज सबल नै रहनेछ ।

वृश्चिक राशिः आयमा वृद्धि हुनेछ । कार्य क्षेत्रमा प्रभावकारिता रहनुका साथै जलीय वस्तु लाभदायी रहनेछन् । प्रेम जीवन सुखद् रहने देखिन्छ ।

धनु राशिः विद्याको क्षेत्र सबल रहनेछ । धातुजन्य वस्तु लाभदायी रहनुका साथै मनोरञ्जनमा विशेष रुचि रहने देखिन्छ । प्रेम जीवन सुखद् रहनेछ ।

मकर राशिः शत्रुपक्ष सबल रहनक्नेछन् । व्यवसायमा संघर्षका साथै दिन कार्यदायी रहने देखिन्छ । विद्या एवं प्रेमका क्षेत्र आज मध्यम फलदायी रहनेछन् । 

कुम्भ राशिः  व्यवसायमा वृद्धि हुनेछ । अध्ययन अध्यापनमा सफलता मिल्नुका साथै प्राज्ञिक कार्यमा संलग्न रहने आजको राशिफल रहेको छ । 

मीन राशिः द्रव्य लाभ हुनेछ । नयाँँ कार्यमा मन प्रवृत्त रहुका साथै दिन सुखद् रूपमा व्यतित हुने देखिन्छ । खेलको क्षेत्र पनि सफल नै रहनेछ ।