श्रीगणेशाय नमः ।। आज विक्रम संवत् २०७७ साल, चैत्र महिनाको २४ गते तदनुसार ईशवीय सन् २०२१ अन्तर्गत अप्रिल महिनाको ६ तारिख, मंगलवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।
सूर्य उत्तरायणमा छन् । वसन्त ऋतुअन्तर्गत चैत्रकृष्णपक्षको नवमी तिथि बिहान ६।११ बजेसम्म रहनेछ । यो महिनाका देवता विष्णु र मासदेवी रमा हुन् । सूर्य मीन राशिमा र बृहस्पति मकर राशिमा रहेका छन् । श्रवण नक्षत्र बिहानका राति ५।३० बजेसम्म रहनेछन् । यसैगरी आज साध्य योग र बब करण रहेका छन् । आज सूर्योदय बिहान ५।५० मा छ भने सूर्यास्त बेलुका ६।२४ बजे हुनेछ । चन्द्रमा आज मकर राशिमा रहेका छन् ।
आज मंगलवार गणेशजी एवं हनुमानजीको उपासनाका साथै राता वस्तुको प्रयोग शुभ फलदायी रहनेछ । यसैगरी मंगलजन्य दोष निवारणका निम्त ॐ अं अंगारकाय नमः भन्ने मन्त्रको जप पनि आज लाभप्रद रहनेछ ।
आजको राशिफल
२०७७ चैत्र २४ गते, मंगलवार
मेष राशिः धनधान्यमा वृद्धि हुनेछ । कार्य क्षेत्रमा उन्नतिका साथै जलीय वस्तु लाभदायी रहनेछन् । मित्र बल आज सबल रहनेछ ।
वृष राशिः आर्थिक लाभ हुनेछ । कार्य क्षेत्रमा उन्नतिका साथै यात्राका योग पनि देखिन्छन् । मन नयाँ कार्यमा प्रवृत्र रहनेछ ।
मिथुन राशिः दिन संघर्षदायी रहनसक्नेछ । कार्य क्षेत्रमा अस्थिरताका साथै शारीरिक आलश्यताले पनि सताउनसक्ने देखिन्छ । स्वास्थ्यमा सजग रहनु नै लाभप्रद रहनेछ ।
कर्कट राशिः गृह सुख मिलनेछ । कान्ति वृद्धिका सथै कला मनोरञ्जनमा विशेष चाख रहने देखिन्छ । अध्ययन अध्यापनमा पनि सफलता मिल्नेछ ।
सिंह राशिः आयमा वृद्धि हुनेछ । मित्र सुख मिल्नुका साथै अध्ययन अधयापनमा मन प्रवृत्त रहनेछ । भौतिक वस्तु लाभदायी रहनेछन् ।
कन्या राशिः व्यवसायमा वृद्धि हुनेछ । कार्य उन्नतिका साथै भौतिक वस्तुबाट लाभ रहनेछ । धार्मिक एवं आध्यात्मिक चिन्तनमा मन प्रवृत्त रहनेछ ।
तुला राशिः चन्द्र बल आज कमजोर देखिन्छ । कार्य क्षेत्रमका संघर्षका साथै खखर्चमा पनि वृद्धि हुनसक्ने देखिन्छ । शत्रु पक्ष आज सबल रहनसक्नेछन् ।
वृश्चिक राशिः मित्र सुख मिल्नेछ । कार्य क्षेत्रमा उन्नतिका साथै यात्राका योग देखिन्छन् । कला साहित्यमा विशेष संलग्नता रहने आजको राशिफल रहेको छ ।
धनु राशिः गृह सुख मिल्नेछ । कान्ति वृद्धिका साथै कला मनोरञ्जनमा चाख रहनेछ । प्रेम जीवन आज सफल रहेनेछ ।
मकर राशिः मिष्ठान्न लाभ हुनेछ । पराक्रम वृद्धिका साथै धार्मिक एवं सामाजिक कार्यमा रुचि रहनेछ । स्वास्थ्यको क्षेत्र सबल रहनेछ ।
कुम्भ राशिः शत्रु पक्ष आज सबल रहनेछन् । कार्य क्षेत्रमा अस्थिरताका साथै खर्चमा पनि वृद्धि हुनसक्ने देखिन्छ । स्वास्थ्यमा सजग रहनु नै लाभप्रद रहनेछ ।
मीन राशिः वित्तीय लाभ हुनेछ । आर्थिक उन्नतिका साथै यात्राका योग देखिन्छन् । मन नयाँ कार्यमा प्रवृत्त रहनेछ ।
No comments:
Post a Comment