आजको राशिफल २०७७ चैत्र २८ गते, शनिवार

श्रीगणेशाय नमः ।। आज विक्रम संवत् २०७७ साल, चैत्र महिनाको २८ गते तदनुसार ईशवीय सन् २०२१ अन्तर्गत अप्रिल महिनाको १० तारिख,  शनिवार  हो ।  सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।

 सूर्य उत्तरायणमा छन् । वसन्त ऋतुअन्तर्गत चैत्रकृष्णपक्षको चतुर्दशी तिथि बिहानका अहोरात्र रहनेछ । यो महिनाका देवता विष्णु र मासदेवी रमा हुन् । सूर्य मीन राशिमा र बृहस्पति मकर राशिमा रहेका छन् । पूर्वाभाद्रपदा नक्षत्र बिहान ७।२९ बजेसम्म रहनेछन् । यसैगरी आज ब्रह्म योग र भद्रा करण रहेका छन् । आज सूर्योदय बिहान ५।४७ मा छ भने सूर्यास्त बेलुका ६।२५ बजे हुनेछ । चन्द्रमा आज मीन राशिमा रहेका  छन् ।  

आज शनिवार शिवजीको उपासनका साथै पिपलको दर्शन एवं जल अर्पण लाभदायी रहनेछ । यसैगरी आज शनिमृत्युञ्जयस्त्रोत्र पाठ पनि शुभ फलदायी रहनेछ । 

आजको राशिफल

२०७७ चैत्र २८ गते, शनिवार       

मेष राशिः शत्रु पक्ष सबल रहनेछन् । कार्यमा अस्थिरताका साथै स्वास्थ्यमा प्रतिकूलता रहनसक्नेछ । बोलीमा सजग रहनु नै आज उचित हुने देखिन्छ । 

वृष राशिः  धार्मिक कार्यमा मन जानेछ । आय बढ्नुका साथै लगानीका नयाँ अवसर प्राप्त हुनेछन् । मित्र सहयोगले दिनि सार्थक रहनेछ ।

मिथुन राशिः व्यवसायमा वृद्धि हुनेछ । आर्थिक उनतिका साथै कार्य क्षेत्रमा पनि सफलता हात पर्ने देखिन्छ । प्रेम जीवन सुखद् रहनेछ । 

कर्कट राशिः भौतिक वस्तु लाभदायी रहनेछन् । आर्थिक उन्नतिका साथै सुखद् यात्राका योग पनि देखिन्छन् । पारिवारिक सुख प्राप्त हुने  आजको राशिफल रहेको छ ।  

सिंह राशिः खर्चमा वृद्धि हुनसक्नेछ । शत्रु भयका साथै कार्य क्षेत्रमा पनि संघर्ष गर्नुपर्ने देखिन्छ । विद्याको भाव मध्भ्यम फलदायी रहनेछ । 

कन्या राशिः बौद्धिक कार्यमा मन जानेछ । पारिवारिक सुख मिल्नुका साथै परोपकारी कार्यमा मन अभिप्रेरित रहनेछ । आर्थिक पक्ष पनि आज सबल रहनेछन् ।

तुला राशिः आयमा वृद्धि हुनेछ । मित्र लाभका साथै यात्राका योग पनि देखिन्छन् । व्यवसायमा सफलता प्राप्त हुने आजको राशिफल रहेको छ । 

वृश्चिक राशिः  पराक्रम बढ्नेछ । आर्थिक उन्नतिका साथै व्यवसायमा पनि वृद्धि हुने देखिन्छ । अध्ययन अध्यापना पनि आज सफलता मिल्नेछ ।  

धनु राशिः दिन कार्यदायी रहनेछ । आर्थिक अस्थिरताका साथै खर्चमा पनि वृद्धि हुनसक्ने देखिन्छ । प्रेम जीवन मध्यम फलदायी रहनेछ । 

 मकर राशिः पारिवारिक सुख मिल्नेछ । कान्ति वृद्धिका साथै सौन्दर्य प्रसाधनमा अधिक लगाव रहनेछ । विद्याको क्षेत्र मध्यमफलदायी रहनेछ । 

 कुम्भ राशिः धार्मिक कार्यमा मन जानेछ । आर्थिक उन्नतिका साथै व्यवसायमा पनि वृद्धि हुनेछ । प्रेम जीवन पारखिले रहनेछ ।

मीन राशिः मित्र लाभ हुनेछ । कार्य व्यवसायमा उन्नतिका साथै यात्राका योग पनि देखिन्छन् । मित्र जनको साथ सहयोगले दिन साथर्क बन्ने देखिन्छ ।