श्रीगणेशाय नमः ।। आज विक्रम संवत् २०७७ साल, चैत्र महिनाको २७ गते तदनुसार ईशवीय सन् २०२१ अन्तर्गत अप्रिल महिनाको ९ तारिख, शुक्रवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।
सूर्य उत्तरायणमा छन् । वसन्त ऋतुअन्तर्गत चैत्रकृष्णपक्षको त्रयोदशी तिथि बिहानका राति ५।६ बजेसम्म रहनेछ । यो महिनाका देवता विष्णु र मासदेवी रमा हुन् । सूर्य मीन राशिमा र बृहस्पति मकर राशिमा रहेका छन् । शतभिषा नक्षत्र बिहान ६।२० बजेसम्म रहनेछन् । यसैगरी आज शुक्ल योग र गर करण रहेका छन् । आज सूर्योदय बिहान ५।४८ मा छ भने सूर्यास्त बेलुका ६।२५ बजे हुनेछ । चन्द्रमा आज कुम्भ राशिमा रहेका छन् ।
आज प्रदोषव्रत परेको छ । प्रदोषव्रतमा शिवजीको उपासना हुने गर्दछ । त्रयोदशीयुक्त सन्ध्याकालीन समय दोषयुक्त रहने भएकाले केवल शिवजीको उपासना शुभ रहनेछ ।
आजको राशिफल
२०७७ चैत्र २७ गते, शुक्रवार
मेष राशिः वृत्ति लाभ हुनेछ । कार्य क्षेत्रमा उन्नतिका साथै यात्राका योग पनि देखिन्छन् । अध्ययन अध्यापनमा पनि सफलता मिल्नेछ ।
वृष राशिः कीर्ति लाभ हुनेछ । व्यवसायमा वृद्धिका साथै मन नयाँ कार्यमा प्रवृत्त रहनेछ । आफन्त एवं परिवारजनको साथ सहयोगले दिन सुखद् रहने देखिन्छ ।
मिथुन राशिः आर्थिक उन्नति हुनेछ । कार्य लाभका साथै यात्राका योग पनि देखिन्छन् । प्रेम जीवन पनि सुखमय व्यतीत हुनेछ ।
कर्कट राशिः ग्रह बल आज कमजोर देखिन्छ । खर्च बढ्नुका साथै कार्यक्षेत्रमा पनि अवरोध रहनसक्नेछ । शत्रु पक्षबाट सजग रहनु नै उचित हुनेछ ।
सिंह राशिः व्यवसायमा वृद्धि हुनेछ । आर्थिक उन्नतिका साथै भौतिक वस्तुबाट लाभ रहनेछ । विद्याको क्षेत्र आज सबल देखिन्छ ।
कन्या राशिः आर्थिक लाभ हुनेछ । कार्य व्यवसायमा उन्नतिका साथै जलीय वस्तु लाभदायी रहनेछन् । मित्रजनको साथ सहयोगले दिन सुखद् रहने देखिन्छ ।
तुला राशिः गृह सुख मिल्नेछ । बौद्धिक कार्यमा रुचि रहनुका साथै यात्राको योग पनि देखिन्छ । आर्थिक क्षेत्र सबल नै रहनेछ ।
वृश्चिक राशिः ग्रह बल आज कमजोर रहनेछ । खर्च वृद्धिका साथै शारीरिक आलश्यताले सताउनसक्ने देखिन्छ । विद्याको क्षेत्र मध्यम फलदायी रहनेछ ।
धनु राशिः अध्ययनमा रुचि रहनेछ । मित्र सुख मिल्नुका साथै यात्राका योग पनि रहेका छन् । स्वास्थ्यको भाव सबल देखिन्छ ।
मकर राशिः प्रिय लाभ हुनेछ । मित्र सुख मिल्नुका साथै व्यवसायमा पनि उन्नति हुने देखिन्छ । जलीय वस्तु लाभप्रद रहनेछन् ।
कुम्भ राशिः वृत्ति लाभ हुनेछ । आर्थिक उन्नतिका साथै यात्राका योग पनि देखिन्छन् । मन नयाँ कार्यमा प्रवृत्त रहनसक्ने देखिन्छ ।
मीन राशिः शत्रुपक्ष आज सबल रहनेछन् । कार्य क्षेत्रमा संघर्षका साथै स्वास्थ्यमा पनि प्रतिकूलता रहनसक्ने देखिन्छ । निर्णयप्रक्रियामा नहतारिनु नै उचित हुनेछ ।
No comments:
Post a Comment