आज शनिप्रदोषव्रत हेर्नुहोस् आजको राशिफल २०७८ वैशाख ११ गते, शनिवार

श्रीगणेशाय नमः ।। आज विक्रम संवत् २०७८ साल, वैशाख महिनाको ११ गते तदनुसार ईशवीय सन् २०२१ अन्तर्गत अप्रिल महिनाको २४ तारिख, शनिवार हो ।  सृष्टिदेखि हालसम्म १,९५,५८,८५१२२ वर्ष व्यतीत भइसकेका छन् । कलिकालको ५१२२औँ वर्षअन्तर्गत श्री शालिवाहनीय शाके १९४३, तथा नेपाल संवत् ११४१ अन्तर्गत राक्षस नामको संवत्सर चलिरहेको छ ।

 सूर्य उत्तरायणमा छन् । वसन्त ऋतुअन्तर्गत चैत्रशुक्लपक्षको द्वादशी तिथि बेलुका ४।१२     बजेसम्म रहनेछ । यो महिनाका देवता मधुसूदन र मासदेवी मोहिनी हुन् । सूर्य मेष राशिमा र बृहस्पति मकर राशिमा रहेका छन् । उत्तराफाल्गुनी नक्षत्र राति २।१० बजेसम्म रहनेछन् । यसैगरी आज ध्रुव योग र कौलव करण रहेका छन् । आज सूर्योदय बिहान ५।३३ मा छ भने सूर्यास्त बेलुका ६।३३ बजे हुनेछ । चन्द्रमा आज कन्या राशिमा रहेका  छन् ।  

आज शनिप्रदोषव्रत परेको छ । शनिजन्य दोष निवारणका निम्ति आज शनिप्रदोष्व्त उत्तम फलदायी रहनेछ । यसैगरी आज शनिस्तोत्रपाठ पनि शुभफलदायी रहनेछ । 

आजको राशिफल

२०७८ वैशाख ११ गते, शनिवार        

मेष राशिः व्यवसायमा वृद्धि हुनेछ । आर्थिक उनतिका साथै कार्य क्षेत्रमा पनि सफलता हात पर्ने देखिन्छ । प्रेम जीवन सुखद् रहनेछ । 

वृष राशिः  धार्मिक कार्यमा मन जानेछ । आय बढ्नुका साथै लगानीका नयाँ अवसर प्राप्त हुनेछन् । मित्र सहयोगले दिनि सार्थक रहनेछ । 

मिथुन राशिः खर्चमा वृद्धि हुनसक्नेछ । शत्रु भयका साथै कार्य क्षेत्रमा पनि संघर्ष गर्नुपर्ने देखिन्छ । विद्याको भाव मध्भ्यम फलदायी रहनेछ । 

कर्कट राशिः भौतिक वस्तु लाभदायी रहनेछन् । आर्थिक उन्नतिका साथै सुखद् यात्राका योग पनि देखिन्छन् । पारिवारिक सुख प्राप्त हुने  आजको राशिफल रहेको छ ।  

सिंह राशिः आयमा वृद्धि हुनेछ । मित्र लाभका साथै सुखद् यात्राका योग पनि देखिन्छन् । व्यवसायमा सफलता प्राप्त हुने आजको राशिफल रहेको छ ।

कन्या राशिः  बौद्धिक कार्यमा मन जानेछ । पारिवारिक सुख मिल्नुका साथै परोपकारी कार्यमा मन अभिप्रेरित रहनेछ । आर्थिक पक्ष पनि आज सबल रहनेछन् । 

तुला राशिः मित्रलाभ हुनेछ । कार्य व्यवसायमा उन्नतिका साथै प्राकृतिक परिभ्रमणका योग पनि देखिन्छन् । मित्र जनको साथ सहयोगले दिन साथर्क बन्ने देखिन्छ ।

वृश्चिक राशिः  पराक्रम बढ्नेछ । आर्थिक उन्नतिका साथै व्यवसायमा पनि वृद्धि हुने देखिन्छ । अध्ययन अध्यापना पनि आज सफलता मिल्नेछ ।  

धनु राशिः दिन संघर्षदायी रहनेछ । आर्थिक अस्थिरताका साथै खर्चमा पनि वृद्धि हुनसक्ने देखिन्छ । प्रेम जीवन मध्यम फलदायी रहनेछ । 

 मकर राशिः  पारिवारिक सुख मिल्नेछ । कान्ति वृद्धिका साथै सौन्दर्य प्रसाधनमा अधिक लगाव रहनेछ । विद्याको क्षेत्र मध्यमफलदायी रहनेछ । 

 कुम्भ राशिः शत्रु पक्ष सबल रहनेछन् । कार्यमा अस्थिरताका  साथै स्वास्थ्यमा प्रतिकूलता रहनसक्नेछ । बोलीमा सजग रहनु नै आज उचित हुने देखिन्छ । 

मीन राशिः  धार्मिक कार्यमा मन जानेछ । आर्थिक उन्नतिका साथै व्यवसायमा पनि वृद्धि हुनेछ । प्रेम जीवन पारखिले रहनेछ ।