श्रीगणेशाय नमः ।। आज विक्रम संवत् २०७८ साल, वैशाख महिनाको १६ गते तदनुसार ईशवीय सन् २०२१ अन्तर्गत अप्रिल महिनाको २९ तारिख, बिहीवार हो । सृष्टिदेखि हालसम्म १,९५,५८,८५१२२ वर्ष व्यतीत भइसकेका छन् । कलिकालको ५१२२औँ वर्षअन्तर्गत श्री शालिवाहनीय शाके १९४३, तथा नेपाल संवत् ११४१ अन्तर्गत राक्षस नामको संवत्सर चलिरहेको छ ।
सूर्य उत्तरायणमा छन् । वसन्त ऋतुअन्तर्गत वैशाखकृष्णपक्षको तृतीया तिथि राति २।४२ बजेसम्म रहनेछ । यो महिनाका देवता मधुसूदन र मासदेवी मोहिनी हुन् । सूर्य मेष राशिमा र बृहस्पति मकर राशिमा रहेका छन् । अनुराधा नक्षत्र बेलुका ६।३५ बजेसम्म रहनेछन् । यसैगरी आज वरियन योग र वणिज करण रहेका छन् । आज सूर्योदय बिहान ५।२६ मा छ भने सूर्यास्त बेलुका ६।३६ बजे हुनेछ । चन्द्रमा आज वृश्चिक राशिमा रहेका छन् ।
आज बिहीवार दुर्गा भगवतीको उपासनाका साथै पहेला वस्तुको प्योग शुभ रहनेछ ।
आजको राशिफल
२०७८ वैशाख १६ गते, बिहीवार
मेष राशिः शारीरिक आलश्यता रहनेछ । चन्द्रमाको प्रतिकूलताले गर्दा खर्च बढाउनुका साथै कार्य क्षेत्रमा पनि संघर्ष गर्नुपर्ने देखिन्छ ।
वृष राशिः आर्थिक उन्नति हुनेछ । व्यवसायमा वृद्धि हुनुका साथै धातुजन्य वस्तु लाभदायी रहनेछन् । प्रेम जीवन सुखद् रहने देखिन्छ ।
मिथुन राशिः मिष्ठान्न लाभ हुनेछ । पारिवारिक सुख मिल्नुका साथै अध्ययन अध्यापनमा सफलता मिल्ने देखिन्छ । दिन सुखमय व्यतित हुनेछ ।
कर्कट राशिः सांगीतिक क्षेत्रमा रुचि रहनेछ । आय आर्जनमा वृद्धि हुनुका साथै व्यवसायिक सफलता मिल्ने देखिन्छ । कला साहित्यमा विशेष लगाव रहेने आजकोे राशिफल रहेको छ ।
सिंह राशिः कार्यक्षेत्रमा संघर्ष गर्नुपर्ने देखिन्छ । स्वास्थ्यमा प्रतिकूलताका साथै खर्चवृद्धिको योग पनि देखिन्छ । अन्य क्षेत्र मध्यम फलदायी रहनेछन् ।
कन्या राशिः पारिवारिक सुख मिल्नेछ । जलीय पदार्थ लाभदायी रहनुका साथै अध्ययन अध्यापनमा पनि सफलता मिल्ने देखिन्छ ।
तुला राशिः धार्मिक कार्यमा मन जानेछ । आय आर्जमा वृद्धि हुनुका साथै कार्य लाभका योग पनि देखिन्छन् । स्वास्थ्यको क्षेत्र मध्यम फलदायी रहनेछ ।
वृश्चिक राशिः सुखद् यात्राका योग देखिन्छन् । व्यवसायमा उन्नतिका साथै अध्ययन अध्यापनमा पनि सफलता मिल्ने देखिन्छ । कर्मक्षेत्र सबल रहनेछ ।
धनु राशिः कार्यमा अवरोध रहनेछ । आर्थिक अस्थिरताका साथै प्रतिकूल स्वास्थ्यको पनि सामना गर्नुपर्ने देखिन्छ । प्रेम जीवन मध्यमफलदायी रहनेछ ।
मकर राशिः भौतिक वस्तु लाभदायी रहनेछन् । आय आर्जनमा वृद्धि हुनुका साथै मानसिक तुष्टि मिल्ने देखिन्छ । पारिवारिक सुख प्राप्तिका योग पनि देखिन्छन् ।
कुम्भ राशिः बौद्धिक कार्यमा मन जानेछ । आध्यात्मिक चिन्तनमा मन प्रवृत्त हुनेछ । सुखद् यात्राका साथै । भौतक वस्तु बाट पनि लाभ रहनेछ ।
मीन राशिः वित्तीय लाभ हुनेछ । कार्य व्यवसायमा उन्नति हुनुका साथै सुखद् यात्राका योग पनि देखिन्छन् । विद्याको भाव बलावन रहनेछ ।
No comments:
Post a Comment