श्रीगणेशाय नमः ।। आज विक्रम संवत् २०७८ साल, वैशाख महिनाको १ गते तदनुसार ईशवीय सन् २०२१ अन्तर्गत अप्रिल महिनाको १४ तारिख, बुधवार हो । सृष्टिदेखि हालसम्म १,९५,५८,८५१२२ वर्ष व्यतीत भइसकेका छन् । कलिकालको ५१२२औँ वर्षअन्तर्गत श्री शालिवाहनीय शाके १९४३, तथा नेपाल संवत् ११४१ अन्तर्गत राक्षस नामको संवत्सर चलिरहेको छ ।
सूर्य उत्तरायणमा छन् । वसन्त ऋतुअन्तर्गत चैत्रशुक्लपक्षको द्वितीया तिथि बिहान ११।१७ बजेसम्म रहनेछ । यो महिनाका देवता मधुसूदन र मासदेवी मोहिनी हुन् । सूर्य मीन राशिमा र बृहस्पति मकर राशिमा रहेका छन् । भरणी नक्षत्र दिवा ४।६ बजेसम्म रहनेछन् । यसैगरी आज प्रीति योग र कौलव करण रहेका छन् । आज सूर्योदय बिहान ५।४३ मा छ भने सूर्यास्त बेलुका ६।२८ बजे हुनेछ । चन्द्रमा आज मेष राशिमा रहेका छन् ।
आजबाट नयाँवर्ष २०७८को आरम्भ भएको छ । यसका साथै आज वैशाख संक्रान्ति पनि हो । संक्रान्तिमा पञ्चाङ्गगको फल श्रवणका साथै श्रीसत्यनारायण भगवान्को उपासना शुभ फलदायी रहनेछ । यहाँलाई नयाँवर्ष सुखद् रहोस् हार्दिक मंगलमय शुभकामना ।।
आजको राशिफल
२०७८ वैशाख १ गते, बुधवार
मेष राशिः आर्थिक लाभ हुनेछ । पारिवारिक सुख मिल्नुका साथै व्यापार व्यवसायमा पनि वृद्धि हुने देखिन्छ । प्रेम जीवन सुखद् रहनेछ ।
वृष राशिः पारिवारिक सुख मिल्नेछ । अध्ययन अध्यापनको क्षेत्र सफल रहनेछ । भौतिक वस्तु लाभदायी रहनुका साथै सुखद् यात्राका योग देखिन्छन् ।
मिथुन राशिः व्यवसायमा वृद्धि हुनेछ । धार्मिक कार्यमा रुचि रहनुका साथै वित्तीय लाभका योग देखिन्छन् । प्रेम जीवन पनि पारखिलो रहने देखिन्छ ।
कर्कट राशिः शत्रुपक्ष सबल रहनेछन् । सवास्थ्यमा प्रतिकूलताका साथै खर्चमा पनि वृद्धि हुन सक्ने देखिन्छ । अन्य क्षेत्र मध्यम रहनेछन् ।
सिंह राशिः पराक्रम बढ्नेछ । भौतिक वस्तुबाट लाभ रहनुका साथै सुखद् यात्राका योग देखिन्छन् । अध्ययन अध्यापनमा पनि सफलता मिल्नेछ ।
कन्या राशिः द्रव्य लाभ हुनेछ । व्यवसायमा वृद्धि हुनुका साथै जलीय पदार्थ विशेष लाभदायी रहनेछन् । कृषि क्षेत्र पनि फलदायी रहन देखिन्छ ।
तुला राशि ः व्यवसायमा वृद्धि हुनेछ । भौतिक वस्तु लाभदायी रहनुका साथै आर्थिक उन्नतिका योग देखिन्छन् । विद्याको क्षेत्र पनि सबल नै रहने आजको राशिफल रहेको छ ।
वृश्चिक राशिः आज चन्द्रमा व्यय भावमा रहेका छन् । जसले गर्दा खर्चमा वृद्धिका साथै कार्य क्षेत्रमा पनि संघर्ष गर्नुपर्ने देखिन्छ । विद्याको क्षेत्र मध्यम फलदायी रहनेछ ।
धनु राशिः आयमा वृद्धि हुनेछ । धातुजन्य वस्तु लाभदायी रहनुका साथै राजनीतिक क्षेत्र पनि सफल बन्ने देखिन्छ । प्रेम जीवन सुखद् व्यतित हुने आजको राशिफल रहेको छ ।
मकर राशिः वाणिज्य क्षेत्र सबल रहनेछ । गृह सुख मिल्नुका साथै सांगीतिक क्षेत्रमा लगाव रहनेछ । समग्रमा आजको दिन सुखद् रहने देखिन्छ ।
कुम्भ राशिः चन्द्रमा प्रतिकूल रहेका छन् । जसले आजको दिनलाई अस्थिरताका साथै खर्चिलो पनि बनाउन सक्नेछ । स्वास्थ्यमा सजग रहनु नै उचित हुने देखिन्छ ।
मीन राशिः सामाजिक कार्यमा मन प्रवृत्त हुनेछ । आयमा वृद्धि हुनुका साथै लगानीका नयाँ अवसर पनि प्राप्त हुनेछन् । प्रेम जीवन सुखद् रहने देखिन्छ ।
No comments:
Post a Comment