श्रीगणेशाय नमः ।। आज विक्रम संवत् २०७८ साल, ज्येष्ठ महिनाको ३ गते तदनुसार ईशवीय सन् २०२१ अन्तर्गत मे महिनाको १७ तारिख, सोमवार हो । सृष्टिदेखि हालसम्म १,९५,५८,८५१२२ वर्ष व्यतीत भइसकेका छन् । कलिकालको ५१२२औँ वर्षअन्तर्गत श्री शालिवाहनीय शाके १९४३, तथा नेपाल संवत् ११४१ अन्तर्गत राक्षस नामको संवत्सर चलिरहेको छ ।
सूर्य उत्तरायणमा छन् । ग्रीष्म ऋतुअन्तर्गत वैशाखशुक्लपक्षको पञ्चमी तिथि बिहान ७।४३ बजेसम्म रहनेछ । यो महिनाका देवता त्रिविक्रम र मासदेवी पद्माक्षी हुन् । सूर्य वृष राशिमा र बृहस्पति कुम्भ राशिमा रहेका छन् । पुनर्वसु नक्षत्र बिहान १०।४ बजेसम्म रहनेछन् । यसैगरी आज गण्ड योग र कौलव करण रहेका छन् । आज सूर्योदय बिहान ५।१६ मा छ भने सूर्यास्त बेलुका ६।४६ बजे हुनेछ । चन्द्रमा आज कर्कट राशिमा छन् ।
आज सोमवार, शिवजीको उपासनाका साथै सेता वस्तुको प्रयोग शुभ रहनेछ ।
आजको राशिफल
२०७८ ज्येष्ठ ३ गते, सोमवार
मेष राशिः दिन कार्यदायी रहनेछ । आर्थिक अस्थिरतका साथै प्रतिकूल स्वास्थ्यको समेत सामना गर्नुपर्ने देखिन्छ । विद्याको क्षेत्र मध्यम रहनेछ ।
वृष राशिः मिष्ठान्न लाभ हुनेछ । आर्थिक उन्नतिका साथै व्यवसायमा पनि वृद्धि हुने देखिन्छ । प्रेम जीवन आज सुखद् रहनेछ ।
मिथुन राशिः व्यवसायमा सफलता मिल्नेछ । भौतिक वस्तुबाट लाभ रहनुका साथै कला साहित्यका क्षेत्रमा विशेष लगाव रहने देखिन्छ ।
कर्कट राशिः वाक् कलामा वृद्धि हुनेछ । वित्तीय लाभका साथै कार्य व्यवसायमा पनि सफलता मिल्ने देखिन्छ ।
सिंह राशिः चन्द्रमा आज प्रतिकूल रहनेछन् । स्वास्थ्यमा अस्थिरताका साथै खर्चमा पनि वृद्धि हुनसक्ने देखिन्छ । विद्याको क्षेत्र मध्यम फलदायी रहनेछ ।
कन्या राशिः प्रिय सुख मिल्नेछ । बोलीमा ओज रहनुका साथै कार्य क्षेत्रमा पनि उन्नति हुने योग देखिन्छ । विद्याको क्षेत्र पनि आज सबल नै रहनेछ ।
तुला राशिः धार्मिककार्यमा रुचि जाग्नेछ । मित्र सुख मिल्नुका साथै सुखद् यात्राकायोग पनि देखिन्छन् । आर्थिक पक्ष पनि सबबल नै रहनेछ ।
वृश्चिक राशिः आयमा वृद्धि हुनेछ । कार्य क्षेत्रमा प्रभावकारिता रहनुका साथै जलीय वस्तु लाभदायी रहनेछन् । प्रेम जीवन सुखद् रहने देखिन्छ ।
धनु राशिः शत्रुपक्ष सबल रहनक्नेछन् । व्यवसायमा संघर्षका साथै दिन कार्यदायी रहने देखिन्छ । विद्या एवं प्रेमका क्षेत्र आज मध्यम फलदायी रहनेछन् ।
मकर राशिः विद्याको क्षेत्र सबल रहनेछ । धातुजन्य वस्तु लाभदायी रहनुका साथै मनोरञ्जनमा विशेष रुचि रहने देखिन्छ । प्रेम जीवन सुखद् रहनेछ ।
कुम्भ राशिः व्यवसायमा वृद्धि हुनेछ । अध्ययन अध्यापनमा सफलता मिल्नुका साथै प्राज्ञिक कार्यमा संलग्न रहने आजको राशिफल रहेको छ ।
मीन राशिः द्रव्य लाभ हुनेछ । नयाँँ कार्यमा मन प्रवृत्त रहुका साथै दिन सुखद् रूपमा व्यतित हुने देखिन्छ । खेलको क्षेत्र पनि सफल नै रहनेछ ।
No comments:
Post a Comment