आजको राशिफल २०७८ ज्येष्ठ ५ गते, बुधवार

श्रीगणेशाय नमः ।। आज विक्रम संवत् २०७८ साल, ज्येष्ठ महिनाको ५ गते तदनुसार ईशवीय सन् २०२१ अन्तर्गत मे महिनाको १९ तारिख, बुधवार हो ।  सृष्टिदेखि हालसम्म १,९५,५८,८५१२२ वर्ष व्यतीत भइसकेका छन् । कलिकालको ५१२२औँ वर्षअन्तर्गत श्री शालिवाहनीय शाके १९४३, तथा नेपाल संवत् ११४१ अन्तर्गत राक्षस नामको संवत्सर चलिरहेको छ ।

 सूर्य उत्तरायणमा छन् । ग्रीष्म ऋतुअन्तर्गत वैशाखशुक्लपक्षको सप्तमी  तिथि बिहान ७।५४  बजेसम्म  रहनेछ । यो महिनाका देवता त्रिविक्रम र मासदेवी पद्माक्षी हुन् । सूर्य वृष राशिमा र बृहस्पति कुम्भ राशिमा रहेका छन् । अश्लेषा नक्षत्र बिहान ११।३० बजेसम्म रहनेछन् । यसैगरी आज ध्रुव योग र भद्रा करण रहेका छन् । आज सूर्योदय बिहान ५।१५ मा छ भने सूर्यास्त बेलुका ६।४७ बजे हुनेछ । चन्द्रमा आज कर्कट राशिमा छन् ।   

आज बुधवार, लक्ष्मीनारायण भगवान्को उपासनाका साथै हरिया वस्तुको प्रयोग शुभफलदायी रहनेछ । 

आजको राशिफल

२०७८ ज्येष्ठ ५ गते, बुधवार      

मेष राशिः  व्यवसायिक सफलता मिल्नेछ । पराक्रम बढ्नुका साथै मन धार्मिकार्यमा प्रवृत्त हुने देखिन्छ । अध्ययन अध्यापनमा पनि सफलता मिल्ने देखिन्छ । 

वृष राशिः चन्द्रमा प्रतिकूल भएकाले दिन संघर्षमय रहनेछ । कार्यमा अवरोधका साथै सवास्थ्यमा पनि प्रतिकूलताको सामना गनुृपर्ने देखिन्छ । 

मिथुन राशिः वित्तीय लाभ हुनेछ । कार्य व्यवसायमा वृद्धि हुनुकासाथै सुखद् यात्राका योग पनि रहेका छन् । स्वास्थ्यको क्षेत्र पनि सबल रहने देखिन्छ । 

कर्कट राशिः प्राज्ञिक कार्यमा मन जानेछ । प्रेम जीवन पनि सुखद् रहनेछ । आर्थिक उन्नतिका साथै पारिवारिक सुख मिल्ने देखिन्छ । 

सिंह राशिः आर्थिक उन्नति हुनेछ । आय आर्जनमा वृद्धि हुनुका कार्य व्यवसायमा पनि सफलता मिल्नेछ । प्रेम जीवन सुखद् रहने देखिन्छ ।  

कन्या राशिः मित्र सुख मिल्नेछ । अध्ययन अध्यापनको क्षेत्र सफल देखिन्छ ।  भौतिक वस्तु लाभदायी रहनुका साथै सुखद् यात्राका योग देखिन्छन् । 

तुला राशिः कार्यमा अस्थिरता रहनेछ । स्वस्थ्यमा प्रतिकूलतका साथै दिन संघर्षदायी नै रहने  देखिन्छ । रात्रिकालीन समय भने सुखद् रहनेछ । 

वृश्चिक राशिः व्यवसायमा वृद्धि हुनेछ । बौद्धिक कार्यमा रुचि जाग्नुका मनमा प्रसन्नता रहने देखिन्छ । प्रेम जीवन सुखद् रहने देखिन्छ ।

धनु राशिः सांगीतिक क्षेत्रमा मन प्रवृत्त हुनेछ । आय आर्जनमा वृद्धिका साथै व्यवसायिक सफलता मिल्ने देखिन्छ । कला साहित्यका क्षेत्रमा पनि  विशेष लगाव रहेने आजकोे राशिफल रहेको छ ।

मकर राशिः चन्द्रबल कमजोर देखिन्छ । आर्थिक अस्थिरताका साथै कार्यमा पनि व्यवधनको सामना गर्नुपर्ने आजको राशिफल रहेको छ । 

कुम्भ राशिः आयमा वृद्धि हुनेछ । धातुजन्य वस्तु लाभदायी रहनुका साथै राजनीतिक क्षेत्र पनि सफल बन्ने देखिन्छ । प्रेम जीवन सुखद् व्यतित हुने आजको राशिफल रहेको छ  ।

मीन राशिः द्रव्य लाभ हुनेछ । धार्मिक कार्यमा रुचि जाग्नुका साथै सुखद् यात्राका योग पनि देखिन्छन् । वित्तीय क्षेत्र सुखद् रहने देखिन्छ ।