आजको राशिफल २०७८ ज्येष्ठ १५ गते, शनिवार

श्रीगणेशाय नमः ।। आज विक्रम संवत् २०७८ साल ज्येष्ठ महिनाको १५ गते तदनुसार ईशवीय सन् २०२१ अन्तर्गत मे महिनाको २९ तारिख, शनिवार हो ।  सृष्टिदेखि हालसम्म १,९५,५८,८५१२२ वर्ष व्यतीत भइसकेका छन् । कलिकालको ५१२२औँ वर्षअन्तर्गत श्री शालिवाहनीय शाके १९४३, तथा नेपाल संवत् ११४१ अन्तर्गत राक्षस नामको संवत्सर चलिरहेको छ ।

 सूर्य उत्तरायणमा छन् । ग्रीष्म ऋतुअन्तर्गत ज्येष्ठ कृष्णपक्षको तृतीया तिथि दिवा १०।३६    बजेसम्म  रहनेछ । यो महिनाका देवता त्रिविक्रम र मासदेवी पद्माक्षी हुन् । सूर्य वृष राशिमा र बृहस्पति कुम्भ राशिमा रहेका छन् । पूर्वाषाढा नक्षत्र राति १०।३४ बजेसम्म रहनेछन् । यसैगरी आज शुभ योग र बब करण रहेका छन् । आज सूर्योदय बिहान ५।१० मा छ भने सूर्यास्त बेलुका ६।५२ बजे हुनेछ । चन्द्रमा आज धनु  राशिमा छन् ।   

आज शनिवार पिपलको दर्शनका साथै जलअर्पण शभफलदायी रहनेछ । यसैगरी आज गणतन्त्र दिवस पनि हो ।  

आजको राशिफल

२०७८ ज्येष्ठ १५ गते, शनिवार       

मेष राशिः धार्मिक कार्यमा मन जानेछ । आय बढ्नुका साथै लगानीका नयाँ अवसर प्राप्त हुनेछन् । मित्र सहयोगले दिनि सार्थक रहनेछ । 

वृष राशिः  खर्चमा वृद्धि हुनसक्नेछ । शत्रु भयका साथै कार्य क्षेत्रमा पनि संघर्ष गर्नुपर्ने देखिन्छ । विद्याको भाव मध्यम फलदायी रहनेछ । 

मिथुन राशिः व्यवसायमा वृद्धि हुनेछ । आर्थिक उनतिका साथै कार्य क्षेत्रमा पनि सफलता हात पर्ने देखिन्छ । प्रेम जीवन सुखद् रहनेछ ।

कर्कट राशिः बौद्धिक कार्यमा मन जानेछ । पारिवारिक सुख मिल्नुका साथै परोपकारी कार्यमा मन अभिप्रेरित रहनेछ । आर्थिक पक्ष पनि आज सबल रहनेछन् । 

सिंह राशिः भौतिक वस्तु लाभदायी रहनेछन् । आर्थिक उन्नतिका साथै सुखद् यात्राका योग पनि देखिन्छन् । पारिवारिक सुख प्राप्त हुने  आजको राशिफल रहेको छ ।  

कन्या राशिः  दिन संघर्षदायी रहनेछ । आर्थिक अस्थिरताका साथै खर्चमा पनि वृद्धि हुनसक्ने देखिन्छ । प्रेम जीवन मध्यम फलदायी रहनेछ । 

तुला राशिः आयमा वृद्धि हुनेछ । मित्र लाभका साथै सुखद् यात्राका योग पनि देखिन्छन् । व्यवसायमा सफलता प्राप्त हुने आजको राशिफल रहेको छ । 

वृश्चिक राशिः  पराक्रम बढ्नेछ । आर्थिक उन्नतिका साथै व्यवसायमा पनि वृद्धि हुने देखिन्छ । अध्ययन अध्यापना पनि आज सफलता मिल्नेछ ।  

धनु राशिः पारिवारिक सुख मिल्नेछ । कान्ति वृद्धिका साथै सौन्दर्य प्रसाधनमा अधिक लगाव रहनेछ । विद्याको क्षेत्र मध्यमफलदायी रहनेछ ।

 मकर राशिः  शत्रु पक्ष सबल रहनेछन् । कार्यमा अस्थिरताका  साथै स्वास्थ्यमा प्रतिकूलता रहनसक्नेछ । बोलीमा सजग रहनु नै आज उचित हुने देखिन्छ ।

 कुम्भ राशिः धार्मिक कार्यमा मन जानेछ । आर्थिक उन्नतिका साथै व्यवसायमा पनि वृद्धि हुनेछ । प्रेम जीवन पारखिले रहनेछ ।

मीन राशिः  मित्रलाभ हुनेछ । कार्य व्यवसायमा उन्नतिका साथै प्राकृतिक परिभ्रमणका योग पनि देखिन्छन् । मित्र जनको साथ सहयोगले दिन साथर्क बन्ने देखिन्छ ।