आजको राशिफल २०७८ ज्येष्ठ २० गते, बिहीवार

श्रीगणेशाय नमः ।। आज विक्रम संवत् २०७८ साल ज्येष्ठ महिनाको २० गते तदनुसार ईशवीय सन् २०२१ अन्तर्गत जुन महिनाको ३ तारिख, बिहीवार हो ।  सृष्टिदेखि हालसम्म १,९५,५८,८५१२२ वर्ष व्यतीत भइसकेका छन् । कलिकालको ५१२२औँ वर्षअन्तर्गत श्री शालिवाहनीय शाके १९४३, तथा नेपाल संवत् ११४१ अन्तर्गत राक्षस नामको संवत्सर चलिरहेको छ ।

 सूर्य उत्तरायणमा छन् । ग्रीष्म ऋतुअन्तर्गत ज्येष्ठ कृष्णपक्षको अष्टमी तिथि बिहान ५।२८ बजेसम्म रहनेछ । यो महिनाका देवता त्रिविक्रम र मासदेवी पद्माक्षी हुन् । सूर्य वृष राशिमा र बृहस्पति कुम्भ राशिमा रहेका छन् । पूर्वाभाद्रपदा नक्षत्र राति १०।२८ बजेसम्म रहनेछन् । यसैगरी आज विष्कुम्भ योग र तैतिल करण रहेका छन् । आज सूर्योदय बिहान ५।१० मा छ भने सूर्यास्त बेलुका ६।५५ बजे हुनेछ । चन्द्रमा आज कुम्भ राशिमा छन् ।   

आज बिहीवार आर्थिक एवं बौद्धिक कार्यगर्ने उत्तम दिन हो । यसैगरी आज दुर्गा भगवतीको उपासना पनि शुभ फलदायी रहनेछ । 

आजको राशिफल

२०७८ ज्येष्ठ २० गते, बिहीवार       

मेष राशिः  पारिवारिक सुख मिल्नेछ । आर्थिक उन्नतिका साथै व्यवसायमा पनि वृद्धि हुने देखिन्छ । प्रेम जीवन आज सुखद् रहनेछ ।

वृष राशिः व्यवसायमा सफलता मिल्नेछ । भौतिक वस्तुबाट लाभ रहनुका साथै कला साहित्यका क्षेत्रमा विशेष लगाव रहने देखिन्छ । 

मिथुन राशिः वाक् कलामा वृद्धि हुनेछ । मिष्ठान्न प्राप्तिका साथै कार्य व्यवसायमा पनि सफलता मिल्ने देखिन्छ ।  

कर्कट राशिः  दिन कार्यदायी रहनेछ । आर्थिक अस्थिरतका साथै प्रतिकूल स्वास्थ्यको समेत सामना गर्नुपर्ने देखिन्छ । आहार विहारमा सजग रहनु नै उचित हुनेछ । 

सिंह राशिः प्रिय लाभ हुनेछ । बोलीमा ओज रहनुका साथै कार्य क्षेत्रमा पनि उन्नति हुने योग देखिन्छ । विद्याको क्षेत्र पनि आज सबल नै रहनेछ । 

कन्या राशिः आयमा वृद्धि हुनेछ । कार्य क्षेत्रमा प्रभावकारिता रहनुका साथै जलीय वस्तु लाभदायी रहनेछन् । प्रेम जीवन सुखद् रहने देखिन्छ । 

 तुला राशिः  धार्मिक कार्यमा रुचि जाग्नेछ । मित्र सुख मिल्नुका साथै सुखद् यात्राकायोग पनि देखिन्छन् । आर्थिक पक्ष पनि सबबल नै रहनेछ ।

वृश्चिक राशिः चन्द्रमा आज प्रतिकूल रहनेछन् । स्वास्थ्यमा अस्थिरताका साथै खर्चमा पनि वृद्धि हुनसक्ने देखिन्छ । विद्याको क्षेत्र मध्यम फलदायी रहनेछ । 

धनु राशिः व्यवसायमा वृद्धि हुनेछ । अध्ययन अध्यापनमा सफलता मिल्नुका साथै प्राज्ञिक कार्यमा संलग्न रहने आजको राशिफल रहेको छ । 

मकर राशिः  द्रव्य लाभ हुनेछ । नयाँँ कार्यमा मन प्रवृत्त रहुका साथै दिन सुखद् रूपमा व्यतित हुने देखिन्छ । खेलको क्षेत्र पनि सफल नै रहनेछ । 

कुम्भ राशिः  विद्याको क्षेत्र आज सबल रहनेछ । धातुजन्य वस्तु लाभदायी रहनुका साथै मनोरञ्जनमा विशेष रुचि रहने देखिन्छ । प्रेम जीवन सुखद् रहनेछ ।

मीन राशिः दिन कार्यदायी रहनसक्नेछ । व्यवसायमा संघर्षका साथै दिन कार्यदायी रहने देखिन्छ । विद्या एवं प्रेमका क्षेत्र आज मध्यम फलदायी रहनेछन् ।