आजको राशिफल २०७८ ज्येष्ठ २८ गते, शुक्रवार

श्रीगणेशाय नमः ।। आज विक्रम संवत् २०७८ साल ज्येष्ठ महिनाको २८ गते तदनुसार ईशवीय सन् २०२१ अन्तर्गत जुन महिनाका ११ तारिख, शुक्रवार  हो ।  सृष्टिदेखि हालसम्म १,९५,५८,८५१२२ वर्ष व्यतीत भइसकेका छन् । कलिकालको ५१२२औँ वर्षअन्तर्गत श्री शालिवाहनीय शाके १९४३, तथा नेपाल संवत् ११४१ अन्तर्गत राक्षस नामको संवत्सर चलिरहेको छ ।

 सूर्य उत्तरायणमा छन् । ग्रीष्म ऋतुअन्तर्गत ज्येष्ठ शुक्लपक्षको प्रतिपदा तिथि बेलुका ५।१८    बजेसम्म रहनेछ । यो महिनाका देवता त्रिविक्रम र मासदेवी पद्माक्षी हुन् । सूर्य वृष राशिमा र बृहस्पति कुम्भ राशिमा रहेका छन् । मृगशिरा नक्षत्र दिवा २।०० बजेसम्म रहनेछन् । यसैगरी आज शूलम् योग र बालव करण रहेका छन् । आज सूर्योदय बिहान ५।९ मा छ भने सूर्यास्त बेलुका ६।५८ बजे हुनेछ । चन्द्रमा आज मिथुन राशिमा छन् ।   

आज  शुक्रवार इन्द्रायणी भगवतीको उपासनाका साथै सेता वस्तुको प्रयोग आज शुभ रहनेछ । यसैगरी कला साहित्य एवं संगीतको साधना पनि शुभफलदायी रहने देखिन्छ ।  

 आजको राशिफल

२०७८ ज्येष्ठ २८ गते, शुक्रवार        

मेष राशि :  आर्थिक उन्नति हुनेछ । भौतिक वस्तु लाभदायी रहनुका साथै प्रेममा पारख बढ्ने देखिन्छ । विद्याको क्षेत्र मध्यम फलदायी रहनेछ । 

वृष राशिः  वित्तीय लाभ हुनेछ । सामाजिक कार्यमा रुचि जाग्नुका साथै सुखद् यात्राका योग पनि देखिन्छन् । प्रेम जीवन सुखद् रहनेछ ।

मिथुन राशिः कार्यक्षेत्रमा उन्नति हुनेछ । भौतिक वस्तुबाट ाभ रहनुका साथै यात्राका योग पनि देखिन्छन् । पारिवारिक सुखका योग देखिन्छन् । 

कर्कट राशिः दिन कार्यदायी रहनेछ । खर्च बढ्नुका साथै स्वास्थ्यमा पनि प्रतिकूलता रहनेछ । विद्याको क्षेत्र मध्यम फलदायी रहनेछ ।

सिंह राशिः वित्तीय लाभ हुनेछ । आमदानीका स्रोत बढ्नुका साथै सुखद् यात्राका योग पनि देखिन्छन् । अन्य क्षेत्र मध्यम फलदायी रहनेछन् । 

कन्या राशिः गृह सुख मिल्नेछ । कार्य क्षेत्रमा उन्नतिका साथै लगानीका नयाँ अवसर प्राप्त हुनेछन् । मित्र सहयोग मिल्ने देखिन्छ ।

तुला राशिः  प्रिय लाभ रहनेछ । कान्ति वृद्धिका साथै सौन्दर्य प्रसाधनमा विशेष लगाव रहनेछ ।  आयमा पनि वृद्धि हुने भएकाले दिन सुखमय व्यतित हुने देखिन्छ ।

 वृश्चिक राशिः शत्रुपक्ष सबल रहनेछन् । कार्य व्यवसायमा संघर्षका साथै खर्चवृद्धिको पनि सामना गर्नुपर्ने देखिन्छ । 

धनु राशिः पराक्रम बढ्नेछ । मिष्ठान्न लाभका साथै पारिवारिक सुख मिल्ने देखिन्छ । प्रेम जीवन पनि आज रमणीय रहनेछ । 

  मकर राशिः अध्ययनमा रुचि जाग्नेछ । पारिवारिक सुख मिल्नुका साथै  व्यवसयामा सफलता मिल्नेछ । भौतिक वस्तु लाभदायी रहनेछन् । 

कुम्भ राशिः भौतिक वस्तुबाट लाभ हुनेछ । आर्थिक उन्नतिका साथै कार्य व्यवसायमा पनि उन्नति हुने देखिन्छ । प्रेम जीवन सुखद् रहनेछ । 

मीन राशिः शत्रुपक्ष सबल रहनेछन् । चन्द्रमाको प्रतिकूलताले गर्दा कार्यक्षेत्रमा संघर्ष गर्नुपर्ने देखिन्छ । स्वास्थ्यमा पनि सजग रहनु नै उचित हुनेछ ।