श्रीगणेशाय नमः ।। आज विक्रम संवत् २०७८ साल ज्येष्ठ महिनाको २९ गते तदनुसार ईशवीय सन् २०२१ अन्तर्गत जुन महिनाका १२ तारिख, शनिवार हो । सृष्टिदेखि हालसम्म १,९५,५८,८५१२२ वर्ष व्यतीत भइसकेका छन् । कलिकालको ५१२२औँ वर्षअन्तर्गत श्री शालिवाहनीय शाके १९४३, तथा नेपाल संवत् ११४१ अन्तर्गत राक्षस नामको संवत्सर चलिरहेको छ ।
सूर्य उत्तरायणमा छन् । ग्रीष्म ऋतुअन्तर्गत ज्येष्ठ शुक्लपक्षको द्वितीया तिथि बेलुका ६।३६ बजेसम्म रहनेछ । यो महिनाका देवता त्रिविक्रम र मासदेवी पद्माक्षी हुन् । सूर्य वृष राशिमा र बृहस्पति कुम्भ राशिमा रहेका छन् । आद्र्रा नक्षत्र बेलुका ४।०० बजेसम्म रहनेछन् । यसैगरी आज गण्ड योग र बालव करण रहेका छन् । आज सूर्योदय बिहान ५।९ मा छ भने सूर्यास्त बेलुका ६।५८ बजे हुनेछ । चन्द्रमा आज मिथुन राशिमा छन् ।
आज शनिवार शिवजीको उपासनका साथै पिपलको दर्शन एवं पूजन शुभ फलदायी रहनेछ । यसैगरी आज शनिमृत्युञ्जयस्तोत्र पाठ पनि शुभ रहनेछ ।
आजको राशिफल
२०७८ ज्येष्ठ २९ गते, शनिवार
मेष राशिः आर्थिक उन्नति हुनेछ । भौतिक वस्तु लाभदायी रहनुका साथै प्रेममा पारख बढ्ने देखिन्छ । विद्याको क्षेत्र मध्यम फलदायी रहनेछ ।
वृष राशिः वित्तीय लाभ हुनेछ । सामाजिक कार्यमा रुचि जाग्नुका साथै सुखद् यात्राका योग पनि देखिन्छन् । प्रेम जीवन सुखद् रहनेछ ।
मिथुन राशिः गृह सुख मिल्नेछ । कार्य क्षेत्रमा उन्नतिका साथै लगानीका नयाँ अवसर प्राप्त हुनेछन् । मित्र सहयोग मिल्ने देखिन्छ ।
कर्कट राशिः दिन कार्यदायी रहनेछ । खर्च बढ्नुका साथै स्वास्थ्यमा पनि प्रतिकूलता रहनेछ । विद्याको क्षेत्र मध्यम फलदायी रहनेछ ।
सिंह राशिः प्रिय लाभ हुनेछ । धार्मिक कार्यमा रुचि जाग्नुका साथै व्यवसायमा पनि सफलता मिल्ने देखिन्छ । कला मनोरञ्जनमा अधिक समय व्यतित हुनसक्ने देखिन्छ ।
कन्या राशिः गृहसुख मिल्नेछ । कान्ति वृद्धिका साथै सौन्दर्य प्रसाधनमा विशेष लगाव रहनेछ । आयमा पनि वृद्धि हुने भएकाले दिन सुखमय व्यतित हुने देखिन्छ ।
तुला राशिः वित्तीय लाभ हुनेछ । आमदानीका स्रोत बढ्नुका साथै सुखद् यात्राका योग पनि देखिन्छन् । अन्य क्षेत्र मध्यम फलदायी रहनेछन् ।
वृश्चिक राशिः शत्रुपक्ष सबल रहनेछन् । कार्य व्यवसायमा संघर्षका साथै खर्चवृद्धिको पनि सामना गर्नुपर्ने देखिन्छ ।
धनु राशिः पराक्रम बढ्नेछ । मित्र लाभका साथै पारिवारिक सुख मिल्ने देखिन्छ । प्रेम जीवन पनि आज रमणीय रहनेछ ।
मकर राशिः बोलीको प्रभावकारितामा कमी आउनेछ । खर्च वृद्धिका साथै प्रतिकूल स्वास्थ्यको पनि सामना गर्नुपर्ने देखिन्छ । विद्याको क्षेत्र मध्यम रहनेछ ।
कुम्भ राशिः भौतिक वस्तुबाट लाभ हुनेछ । आर्थिक उन्नतिका साथै कार्य व्यवसायमा पनि उन्नति हुने देखिन्छ । प्रेम जीवन सुखद् रहनेछ ।
मीन राशिः शत्रुपक्ष सबल रहनेछन् । चन्द्रमाको प्रतिकूलताले गर्दा कार्यक्षेत्रमा संघर्ष गर्नुपर्ने देखिन्छ । स्वास्थ्यमा पनि सजग रहनु नै उचित हुनेछ ।
No comments:
Post a Comment