श्रीगणेशाय नमः ।। आज विक्रम संवत् २०७८ साल श्रावण महिनाको ८ गते तदनुसार ईशवीय सन् २०२१ अन्तर्गत जुलाइ महिनाका २३ तारिख, शुक्रवार हो । सृष्टिदेखि हालसम्म १,९५,५८,८५१२२ वर्ष व्यतीत भइसकेका छन् । कलिकालको ५१२२औँ वर्षअन्तर्गत श्री शालिवाहनीय शाके १९४३, तथा नेपाल संवत् ११४१ अन्तर्गत राक्षस नामको संवत्सर चलिरहेको छ ।
सूर्य दक्षिणायनमा छन् । वर्षा ऋतुअन्तर्गत आषाढ शुक्लपक्षको चतुर्दशी तिथि बिहान ९।५४ बजेसम्म रहनेछ । यो महिनाका देवता श्रीधर र मासदेवी कान्तिमती हुन् । सूर्य कर्कट राशिमा र बृहस्पति कुम्भ राशिमा रहेका छन् । पूर्वाषाढा नक्षत्र दिवा २।३९ बजेसम्म रहनेछन् । यसैगरी आज वैधृति योग र भद्रा करण रहेका छन् । आज सूर्योदय बिहान ५।२३ मा छ भने सूर्यास्त बेलुका ६।५६ बजे हुनेछ । चन्द्रमा आज धनु राशिमा रहेका छन् ।
आज पूर्णमाव्रत परेको छ । पूर्णिमाव्रत रात्रिव्यापिनी रहने भएकाले आजको रातमा पूर्णिमा तिथि अधिक रहने भएकाले आज पूर्णिमा व्रत हो । पूर्णिमामा चन्द्रको उपाना हुने गर्दछ ।
आजको राशिफल
२०७८ श्रावण ८ गते, शुक्रवार
मेष राशिः व्यवसायमा वृद्धि हुनेछ । बौद्धिक कार्यमा मन जानुका साथै सुखद् यात्राका योग पनि देखिन्छन् । विद्याको क्षेत्र आज मध्यम फलदायी रहनेछ ।
वृष राशिः शत्रुपक्ष सबल रहनेछन् । आर्थिक अस्थिरताका साथै कार्य क्षेत्रमा पनि संघर्ष र्नुपर्ने देखिन्छ । प्रेम जीवन मध्यम फलदायी रहनेछ ।
मिथुन राशिः बौद्धिक कार्यमा मन जानेछ । बोलीमा ओज रहनुका साथै कार्यक्षेत्रमा पनि सफलता मिल्न देखिन्छ । प्रेम जीवन सुखद् रहनेछ ।
कर्कट राशिः प्रेममा पारख बढ्नेछ । व्यवसायिक सफलता प्राप्त हुनुका साथै सुखद् यात्राका योग पनि देखिन्छन् । शत्रुपक्ष दुर्वल रहनेछन् ।
सिंह राशिः पराक्रम बढ्नेछ । मित्र लाभ हुनुका साथै आर्थिक उन्नतिका योग पनि देखिन्छन् । परोपकारी कार्यमा विशेष लागव रहनसक्नेछ ।
कन्या राशिः कार्यक्षेत्रमा संघर्ष गर्नुपर्ने देखिन्छ । चन्द्रमाको प्रतिकूलताले गर्दा खर्चमा पनि वृद्धि गराउनसक्ने देखिन्छ । प्रेम जीवन मध्यमफलदायी रहनेछ ।
तुला राशिः धातुजन्य वस्तु लाभदायी रहनेछन् । धार्मिक कार्यमा रुचि रहनुका साथै अध्ययन अध्यापानको क्षेत्र पनि सबल रहनेछ । मित्र सहयोगले दिन सार्थक बन्ने देखिन्छ ।
वृश्चिक राशिः पारिवारिक सुख मिल्नेछ । आर्थिक उन्नतिका साथै व्यापार व्यवसायमा पनि वृद्धि हुने देखिन्छ । लेखन कार्यमा विशेष अभिरुचि रहनेछ ।
धनु राशिः पराक्रम बढ्नेछ । कला साहित्यका क्षेत्रमा रुचि रहनुका साथै सुखद् यात्राका योग पनि देखिन्छन् । भौतिक वस्तुबाट लाभ रहने देखिन्छ ।
मकर राशिः व्ययमा वृद्धि हुनेछ । शत्रु पक्ष सबल रहनुका साथै कार्यमा पनि अस्थिरताले राज गर्न सक्ने देखिन्छ । आज जलीय वस्तु लाभदायी रहनेछन् ।
कुम्भ राशिः पारिवारिक सुख मिल्नेछ । आयमा वृद्धि हुनुका साथै सामाजिक कार्यमा मन अभिप्रेरित रहनेछ । कर्म क्षेत्र सबल रहने देखिन्छ ।
मीन राशिः प्रिय लाभ हुनेछ । कार्यक्षेत्रमा उन्नतिका साथै सुखद् यात्राका योग देखिन्छन् । पारिवारिक सुखका योग देखिन्छन् ।
नारायणप्रसाद निरौला, ज्योतिषाचार्य
No comments:
Post a Comment