आज प्रदोषव्रत, हेर्नुहोस् आजको दिन २०७७ पौष २६ गते

श्रीगणेशाय नमः ।। आज विक्रम संवत् २०७७ साल पौष महिनाको २६ गते तदनुसार ईशवीय सन् २०२१ अन्तर्गत  जनवरी महिनाको १० तारिख,  आइतवार हो । सृष्टिदेखि हालसम्म १,९५,५८,८५१२१ वर्ष व्यतीत भइसकेका छन् । कलिकालको ५१२१औँ वर्षअन्तर्गत श्री शालिवाहनीय शाके १९४२, तथा नेपाल संवत् ११४१ अन्तर्गत प्रमादी नामको संवत्सर चलिरहेको छ ।

 सूर्य दक्षिणायनमा छन् । हेमन्त ऋतुअन्तर्गत पौष कृष्णपक्षको द्वादशी तिथि दिवा ३।३६  बजेसम्म रहनेछ । यो महिनाका देवता नारायण र मासदेवी लक्ष्मी हुन् । सूर्य धनु राशिमा र बृहस्पति मकर राशिमा रहेका छन् ।  अनुराधा नक्षत्र बिहदवा १०।१ बजेसम्म  रहनेछन् । यसैगरी आज गण्ड योग र तैतिल करण रहेका छन् । आज सूर्योदय बिहान ६।५८ मा छ भने सूर्यास्त बेलुका ५।२५ बजे हुनेछ । चन्द्रमा आज वृश्चिक राशिमा रहेका  छन् ।  

आज रविप्रदोष व्रत परेको छ । प्रदोषमा शिवजीको उपासना शुभफलदायी रहने गर्दछ । सूर्यन्य दोष निवृत्तिका साथै बल बुद्धि र ऐश्वर्यमा वृद्धिका निम्ति आजको व्रत फलदायी रहनेछ । 

 

उपप्राध्यापक नारायणप्रसाद निरौला

    ज्योतिषाचार्य, वास्तुविद्