आज सोमप्रदोषव्रत, हेर्नुहोस् आजको राशिफल २०७८ ज्येष्ठ १० गते, सोमवार

श्रीगणेशाय नमः ।। आज विक्रम संवत् २०७८ साल ज्येष्ठ महिनाको १० गते तदनुसार ईशवीय सन् २०२१ अन्तर्गत मे महिनाको २४ तारिख, सोमवार हो ।  सृष्टिदेखि हालसम्म १,९५,५८,८५१२२ वर्ष व्यतीत भइसकेका छन् । कलिकालको ५१२२औँ वर्षअन्तर्गत श्री शालिवाहनीय शाके १९४३, तथा नेपाल संवत् ११४१ अन्तर्गत राक्षस नामको संवत्सर चलिरहेको छ ।

 सूर्य उत्तरायणमा छन् । ग्रीष्म ऋतुअन्तर्गत वैशाख शुक्लपक्षको त्रयोदशी तिथि राति १०।२०    बजेसम्म  रहनेछ । यो महिनाका देवता त्रिविक्रम र मासदेवी पद्माक्षी हुन् । सूर्य वृष राशिमा र बृहस्पति कुम्भ राशिमा रहेका छन् । चित्रा नक्षत्र बिहान ७।३९ बजेसम्म रहनेछन् । यसैगरी आज व्यतीपात योग र कौलव करण रहेका छन् । आज सूर्योदय बिहान ५।१३ मा छ भने सूर्यास्त बेलुका ६।५० बजे हुनेछ । चन्द्रमा आज तुला  राशिमा छन् ।   

आज सोमप्रदोषव्रत परेको छ । सोमवार प्रदोषको व्रतधारण अभीष्ट सिद्धिदायी रहन्छ । यसैले आज केवल शिवजीको उपासना शुभ फलदायी रहनेछ ।  

आजको राशिफल

२०७८ ज्येष्ठ १० गते, सोमवार      

मेष राशिः कीर्ति लाभ हुनेछ । कार्य व्यवसायमा उन्नति हुनुका साथै सुखद् यात्राका योग पनि देखिन्छन् । विद्याको भाव बलावन रहनेछ । 

वृष दिन पराक्रम बढ्नेछ । भौतिक वस्तुबाट लाभ रहनुका साथै अध्ययन अध्यापनमा सफलता मिल्ने देखिन्छ । दिन सुखमय व्यतित हुनेछ । 

मिथुन राशिः धार्मिक कार्यमा रुचि रहनेछ । आर्थिक  वृद्धि हुनुका साथै कार्य लाभका योग पनि देखिन्छन् । स्वास्थ्यको क्षेत्र मध्यम फलदायी रहनेछ । 

कर्कट राशिः कार्यदायी रहनसक्नेछ । खर्चमा वृद्धिका साथै शुत्र पक्षबाट भय रहनसक्नेछ । स्वास्थ्यमा सजग रहनु नै लाभप्रद रहनेछ । 

सिंह राशिः पराक्रम बढ्नेछ । भौतिक वस्तुबाट लाभका साथै मित्र पक्ष सबल रहनेछन् ।  वित्तीय क्षेत्र उन्नत रहने देखिन्छ । 

कन्या राशिः आर्थिक अस्थिरता रहनसक्नछे । ग्रह प्रतिकूल रहनेभएकाले शत्रुपक्ष पनि सबल रहनसक्नेछन् । बुद्धिपक्षको प्रयोग आज शुभ रहनेछ । 

तुला राशिः मिष्ठान्न लाभ हुनेछ । आर्थिक उन्नतिका साथै सुखद् यात्राका योग देखिन्छन् । मित्र पक्षबाट पनि साथ सहयोग मिल्ने देखिन्छ । 

वृश्चिक राशिः  ग्रह्रबल आज कमजोर रहनेछ । आर्थिक अस्थिरताका साथै प्रतिकूल स्वास्थ्यको पनि सामना गर्नुपर्ने देखिन्छ । 

धनु राशिः धार्मिक कार्यमा रुचि रहनेछ । वित्तीय लाभका साथै साथै अध्ययन अध्यापनमा पनि सफलता मिल्ने देखिन्छ । कर्मक्षेत्र सबल रहनेछ ।

मकर राशिः आयमा वृद्धि हुनेछ । गृह सुख मिल्नुका साथै यात्राका योग देखिन्छन् । जलीय वस्तु शुभ फलदायी रहनेछन् । 

 कुम्भ राशिः पराक्रम बढ्नेछ । मित्र सुखका साथै यात्राका योग देखिन्छन् । नयाँ कार्य व्यवसायमा मन प्रवृत्त रहने देखिन्छ । 

मीन राशिः शत्रुपक्ष सबल रहनेछन् । कार्यक्षेत्रमा संघर्षका साथै खर्चमा पनि वृद्धि हुनसक्ने देखिन्छ । स्वास्थ्यमा सजग रहनु उचित हुनेछ ।